有冇斷尾經歷分享
無患子，有sis試過work嗎？
啱啱訂過張新嘅床褥
宜家睇緊防塵蟎床套
Bb三個月大 有濕疹 好心痛
希望可以做嘅都幫佢做
有冇睇兒科呀？
如果搽極保濕cream/lotion都唔好，都係要搽類固醇先得
可能類固醇嚇親好多媽媽，但用得其所就可以控制到濕疹
1個讚
我小朋友個幾月開始有，成面爛晒出水果隻，宜家三歲touchwood總算面仔白白滑滑，係手腳間中會痕，一R就紅同起粒粒，不過尚算輕微我已經好開心，都唔敢諗斷尾。不過我冇用中醫或者偏方，細時睇皮膚科搽類固醇，大左搽cream為主，起粒粒先用搽類固醇
1個讚
我bb個幾月大濕疹已經好嚴重，睇兒科都唔掂，要睇皮膚科
都係搽類固醇為主，我都有擔心搽得多唔好，但係醫生解釋得好清楚，份量好少，以控制唔好惡化為主。過咗1歲，就會冇咁嚴重，好多2-3歲就斷尾
而家BB 1歲大，已經冇咁嚴重，天氣乾果幾日會出少少，搽類固醇好快就收。呢幾日天氣冇咁乾，就冇乜點出疹
1個讚
回樓上幾位sis
我bb睇左兒科 揸類固醇但一停左又翻發
仲由耳仔擴散到面
聽日再睇皮膚科睇吓醫生點講
有冇試過楊志強？佢唔會亂開藥，有醫德，耐心答問題。
之前試過睇另一位so call 名醫。有一日帶小朋友去做小手術 (約$6000)，我問了一個同手術冇關但與診斷有關的問題，他竟然話那天沒有charge consultation fee, 所以唔答，要問就出去登記。
BB幾個月大時有搽過類固醇， 係work， 不過搽都D皮膚白色一達達， 所以停咗。
跟住搽2支natural lotion 加一瓶膏狀嘅潤膚油， 每次換片都搽哂三種， 真係搽到油淋淋， 唔會即刻見效。而家四歲， 唔洗日日咁搽， 不過轉天氣時，或者玩完沙又會發， 又搽返果三款大約三日就under control.
我b都係睇樓下jm講果位Dr. Yeung，要book三幾個月，我全家都嚴重濕疹睇過好多皮膚科，得佢一個係控制到而又唔重藥，冇乜見副作用。
白色一達達我仔都試過，當轉咗睇楊醫生換藥後就慢慢退色。楊生新症係排好耐。
因為所有媽媽谷一講濕疹就會出現佢個名
然後濕疹b多數有個濕疹父母，仲有一班打斑嘅中環OL，有乜辦法唔難排。不過佢真心有效又有耐性
係，所以排好耐。仲有，可能我仔病情穩定，佢都唔想我仔成日覆疹，叫我配藥。 慳唔少。
我bb都係睇楊醫生
當時個3個月大，啲皮膚爛晒
打電話去book話要成2個月後先有得睇
跟住我叫老公再打電話去，話bb年紀好細，同埋好嚴重，希望可以快啲睇
最後比左期下一個星期已經有得睇
一樣嘅操作，真心慳唔少
Update:
今日睇左皮膚科
醫生開左重藥 (emolet, fucidin, protopic cream)
呢啲外國係唔俾2歲以下小朋友用
但香港得
佢話真係好嚴重先搽emolet (中等強度類固醇）
其他位搽protopic
但protopic啲副作用好得人驚（皮膚癌，淋巴癌）
Update:
最尾冇搽皮膚科醫生開既重藥
之前睇過兒科攞最輕藥力既類固醇
諗住試左先
搽左4日
屋企濕度維持住70度到
瘋狂搽cream +oil
宜家啲濕疹已經退左9成
估計係天氣太乾燥引發 今次同上次都係
要停類固醇先知係咪真係好返
會搽到一達達既藥應該都好勁藥力
你bb係全身濕疹？
以前全身摺位都有， 佢訓醒覺張床單會有血跡
咁嚴重
可以用保濕控制到好好