我奶奶一向都麻煩迷信。佢無同我講既情況下，年頭入左個風水金錢喺利是封，擺左喺我屋企，我宜家先知。
我老公扮曬野話我知。我話我知有利是，但我唔知入面係呢啲野，佢側側膊hea 我。
坦白講，我有宗教信仰，我唔信呢啲。但成件事覺得好不被尊重。而且乞人憎既奶奶一直以為自己好威，覺得我恰佢個仔，洗佢個仔錢，以為自己個仔搵好多。
事實係佢個仔失業左一年有多，由六年前結婚到宜家，基本上喺我養家。佢都唔知我個小朋友有SEN，我每個星期要請假帶出帶入去訓練，訓練既錢全部我俾，我朝8晚8收工返來佢要訓練個小朋友，週末基本上係我帶個小朋友四圍去等小朋友有stimulation ，佢個仔懶到瞓到十點先起身，去公園都嫌辛苦。
諗得衰啲，都唔知係未衰野。因為我奶奶講到出面想某個親戚死，佢就可以分遺產。
係咪五帝錢嗰啲？
利是冇乜所謂啩？
不過唔問下你先就差啲，間屋係咪佢個仔的？
間屋係我，首期3/4同供樓都係我
佢覺得佢係你99，姐係你長輩啦，洗乜問過你意見，我為個仔好咋
實有一百萬個理由
天下奶奶一樣黑…
所以唔係你老公亞媽特別差
係所有奶奶都係咁
就算個仔食開軟飯，奶奶都覺得係心抱洗個仔錢
咩事你出咁多
咁應該係你擺奶奶款喎
我奶奶最爆笑既一個位係以為自己好勁。
我老公既ex 俾佢搵人算過剋佢個仔，所以當年拆散人。
我買樓佢話要睇通勝擇日搬屋，點之搵左一日兇日，我果次笑住同我老公講你媽本乜通勝，點解同人地既唔同。
係lor
點解你唔禁奶奶入屋？
人善被人欺
我老公無咁錢，之前有工做，人工唔高，又進修，又俾人抄過兩次，所以我儲錢一定多過佢。
當然顧佢面子，我地無同人講佢出得少同無份供。
邊有得禁，我奶奶係潑婦，我老公成日黑我面。
我唔敢反枱因為我只係處理返工，養家照顧小朋友已overloaded 。反枱要善後，我無力應付
有呢個同感
人善被人欺呀
你使乜善後？
老公黑你面就由佢黑，你根本唔使睇佢面色
人善被人欺，一陣你連屋都冇埋
奶奶將心比己，有人放d野去佢屋企唔話佢知都唔得啦，咁鬼過份。
其實我真係想離婚。
不過其中一個善後位係我爸見我地兩公婆嘈，情緒病又發作，我媽有心臟病見我爸又病發又頂唔順。所以最難善後係呢個位。我老公衰到會俾面色説話我父母聽。
無娘家backup ，我無勇氣反枱同離婚
間屋係我個名，我都暗地立左遺囑俾我父母。
我奶奶既黑心(成日等個親人死攞遺產)，令我不禁諗佢成日想我死
真係天下奶奶一樣煩，成日以為自己好，但其實冇人鐘意佢做嘅嘢。個利是你唔like就掉咗佢，反正你都唔信，再唔係就下次兜口兜面有禮貌地話俾你99知你唔信呢D。
我99又係成日開口埋口都話自己拜呢樣拜個樣為我哋好，講真你有心做就夠唔駛成日講俾我哋知，我又冇叫佢做，成日以為自己好偉大為乜。
另外，你老公同我一樣都係食軟飯，我完全明白你感受，辛苦你又返工又湊仔，養家同照顧小朋友真辛苦。為咗小朋友你要加油
如果係我會借啲意透露老公冇份供樓仲俾得少少首期
…起碼奶奶聽到後唔敢再敢囂張
想請教你點可以減壓，我覺得開始頂唔順。工作又好忙，又要顧份工，但又要顧係黃金期俾training 小朋友
佢好玻璃心，一定講完又發爛。之前佢因為自己個姨甥搵錢多全部人工交俾自己個媽管理，個心好妒忌，嬲左人全家