我一直都打算順產+產假期間餵人奶(冇信心係返工時keep住餵到人奶
)…想問下需唔需要預早買定個奶泵做後備，係產假期間用呢？
還是生完睇下有冇人奶/埋身有冇困難先決定買唔買奶泵呢？
Thanks
如果要返工嘅點都買返個泵等自己習慣下都好，如果話唔洗返工，就緊係睇下點先買啦。
2個讚
買定好啲，想當初我bb出世幾日已經啜到我損晒見血 
見完母乳顧問要暫時轉做泵媽，好彩我有準備定
生完住院期間，見同房另一位媽媽嘅bb要住院，都係要泵奶出嚟再拎去俾bb
即使bb出咗院，如果覆診黃疸指數偏高而bb要入院照燈，都係要泵奶拎去醫院
所以有兩手準備會較好
我都以為自己放完產假就會奶量急跌兼收奶，結果雖然奶量少咗，不過見仲泵得出都有繼續餵呀
2個讚
聽到都覺得痛…
我都做過少少研究，係咪Youha優合機+Medela配件比較好？有冇話胸細適合咩牌子嘅機多d?
會建議你買定個二手的泵+全新parts做後備
萬一突然要用到，都可以即刻拎出嚟用，唔使等（谷起奶上嚟，一分鐘都唔想等）
同埋，胸細的話，買parts度啱size就可以了，牌子反而唔係咁重要
1個讚
一定要買電奶泵係屋企stand by，不論新或二手，任可牌子都可以，因為萬一埋身唔成功，都唔駛手楂或手泵到手軟，坐月跟本冇時間出去或者上網買，有一部係手就即刻可以用住先，如果長期作戰，之後仲可以慢慢揀款揀其他配件。衞生問題喇叭就最好買全新，其實喇叭大小真係好影響泵奶吸力，所以最難買係揀啱自己尺寸嘅喇叭，我由21mm試到19mm再試17mm先買啱自己尺寸，喇叭尺寸要等同自己乳頭直徑，太寛影響吸力，太窄會吸到痛，如果細乳頭可以睇下maymom，比較適合亞洲胸細媽媽。祝餵人奶成功
1個讚
準備定奶泵會安全啲!
親身經歷, 我2胎出世後都要入 NICU… 第一胎果時好彩朋友俾左個單泵我, 我生前又好彩叫到個老公幫我訂到新佩件, 所以BB 住院時我即刻可以用泵去刺激乳腺 同幾日後先泵到啲送去俾B飲。第二胎我希望一黎就全埋身人奶啦，點知BB要住院上呼吸機無得食奶, 我又好彩有朋友借左部泵俾我, 唔係就要即刻搵機搵喇叭。
我個人唔介意2手泵機，最緊要換哂啲新喉同用個啱自己size 既喇叭, 第一胎時唔知點樣係啱size , 用錯喇叭搞到損哂又痛又流血。。。 之後自己買部新機先佩啱啲佩件, 泵奶先無咁痛苦
1個讚
奶泵好有用，我BB啱啱出世時，埋身餵嘅情況唔理想，我又好攰，谷奶好辛苦，好彩有奶泵可以幫我泵晒啲奶出嚟，如果唔係我實有乳腺炎
1個讚
我係呢個組合呀 
優合the one + medela配件，部優合係朋友俾嘅
另外亦有朋友借過medela swing maxi俾我，但對我嚟講唔夠力
如果冇朋友借/俾到奶泵你，不妨考慮吓買部二手，然後再買新配件
我8月生，疫情關係都冇乜出街，全部配件都係網購再寄到屋企，不過喇叭size就買咗好幾款先試得啱
胸部大細都冇所謂架，最緊要喇叭個size啱
1個讚
多謝各位回覆，咁我做下功課，買定個奶泵旁身先
1個讚