早兩日用驗孕棒驗到中左獎
準備下星期一去普通科診所驗埋血confirm
想知道驗血後拎左懷孕證明之後去醫院產檢既程序係點？ 我打算去私家生，係咪要依家簡定一個醫生去book定係就咁walk in去醫院話做產檢就ok? 另外你地會係懷孕幾耐之後先同公司講自己有左？ 唔好意思，第一胎新手，好多問題想知，希望可以同大家交流下
1個讚
我嗰陣自己驗中左，係等到week 7-8左右先去診所check. 跟住攞張懷孕證明去公立醫院登記埋. 你依家可以先諗下想去邊間私家生，然後搵返個掛牌嘅私家醫生去做檢查
拎完懷孕證明就可以用預約通/HA Go個app bk公立產檢，交資料後最遲1星期內會覆返你日期。
睇下想去邊間私家醫院生，check返邊個醫生有係個到掛牌，再約私家產檢。
1.拎懷孕證明應該驗尿就得，好少聽普通診所用血驗孕
2.拎到證明，就睇返自己所屬果區係跟醫院定健康院產檢，醫院可以用預約通app約期，健康院要電話約
3.您想去私家，就搵下邊個駐院醫生同掛單醫生啱您，walk in好難即時有位產檢
4.睇工作性質，如果您份工要體力勞動，可能早少少同上司講聲。我就過三個月先講
多謝大家解答。係上星期我唔知道有左，食左魚生之類既野，我有d擔心會有弓形蟲，驗血驗孕諗住都check埋等自己安心少少
疫情關係我唔敢去普通診所，去左家計會驗孕攞懷孕證明，$100又唔怕診所咁多菌。另外婦產科可以約7-8wk先睇，睇埋BB心跳
1個讚
我係去卓越做產檢，佢會幫係book埋邊間醫院生，你揀睇邊個醫生就ok
想請問大家，當你知道有BB後，應該點搵醫生同埋係邊睇食咩去照顧BB同自己嘅需要？
我BB現在6weeks 但我仲未睇醫生，身邊都冇資源可以推介，請大家幫忙應該如何入手做各類準備。
我睇小紅書有好多孕婦初期應該食d咩，點樣做，但香港嘅網站好似唔多有呢分面嘅資料，請問大家係邊到可以搵到資料做功課？
謝謝大家！
小紅書？我諗我哋呢邊冇咩人睇！
首先應該諗下會去私家醫院定公立醫院生。
私家醫院既就搵私家醫生，想去邊間醫院就要搵個係個間醫院有掛診既醫生！
公立既就應該係睇住邊區跟返個區去睇。
食咩藥睇醫生再問，醫生決定，冇必要人食你又食。
4個讚
大陸人先睇小紅書
9個讚
最簡單去睇私家診所，攞張懷孕證明再去公家排隊，醫院會教你點做。
如果連睇小紅書嘅人都要過嚟我哋黃色forum 問嘢，咁都未嘗唔係成功嘅
8個讚
響度自爆睇小紅書… 唔知天真定誠實… 但勇氣可加所以我都會答下嘅
4個讚
我只係想查詢一下BB知識，唔係都要分咩色咁麻煩呀？
同埋唔好意思，我本身冇顏色，所以冇理會到呢個討論區原來要分顏色先可以發問，唔好意思！
我只係唔了解懷孕後應該點做，所以想請教下大家，而唔係想係道分咩顏色，謝謝！
我唔係大陸人，但都可以睇小紅書，我IG,FB,Google都在搵資料學習，希望大家可以分享下教下我呢個新手，而不是在講什麼大陸人，謝謝
