姪女P4，我地同住
平時係屋企幾得意幾精靈咁，佢父母好耐以前已經買ipad俾佢，最近仲買左iphone俾佢
我勸過，咁細個唔好接觸太多電子野，但唔聽
咁我平時會check下佢電話既，之前俾我發現佢whatsapp會打粗口，仲要係sb果種大陸粗口！應該係同學教壞，佢有啲同學係大陸人
咁我鬧幾句佢就喊話知錯
最近又check，發現鍵盤全部都係簡體輸入法，之前冇架都唔知邊個教佢！而家竟然玩埋小紅書！原來小紅書有訊息功能，就好似ig咁
有啲人follow佢撩佢傾計，佢就打簡體同陌生大陸人傾計又add微信
心死，我真心唔知點教點處理好，特別係我呢個角色（非父母）佢父母就比較隨意，冇乜所謂咁 大家可以俾啲意見我嗎
姪女比較細膽，冇脾氣但固執，成家關係好
可唔可以約法三章，手機要俾大人Check ，小紅書嗰啲唔俾玩（理由？）
佢太細咩都唔識，做大人要幫下佢，但要父母配合，同個小朋友講清楚點解要咁做，我通常就好簡單講你太細唔識分辨好壞，亦係事實，唔ok就冇手機。
其實唔洗諗太多，你係為佢好，佢以家細唔明可能會嬲你一排，大左佢就知你係好。
小四咋喎！唔關小紅書、簡體字、大陸人事，咁細個都唔應該俾佢同陌生人傾計啦！
要同屋企人講下，太危險。
佢父母唔緊好難搞下
我自己教個女唔好download大陸apps
及長期介紹咩叫文盲字
前兩日果單法庭新聞，受害者全部都係喺玩IG，得11至14歲。
年紀太細玩社交媒體，又冇防人之心，真係危險性好高。
我見我姪子P3成日睇埋啲youbute係簡體字，我叫佢唔好睇咁多唔理我！佢又睇埋cctvb播啲大陸劇。我阿媽仲要反駡我，話小朋友要學國語要睇呀！
係咪佢啲同學朋友都玩小紅書之類？
咁細個應該係「群堆」應該係大家都玩所以自己都玩！
都冇乜辦法，特別你唔係佢父母！
淨玩小紅書定其實有睇下IG?
上下教育課，64、網絡審查個啲，等佢要明白自己睇緊既其實9成係假野，做假！
唔係自己個女，做唔到d乜，係我嘅就會得閒reset佢部iPhone。
又得閒轉下app store個密碼，目的係令佢冇癮。
首先同佢父母講，睇吓佢哋咩反應先，由父母教點都好D。其次，你唔好下下鬧，反叛期越鬧越衰，既然佢已經開始咗玩，你越禁就越想玩，應該話佢知同陌生人傾計會有乜事發生，例如呃錢呃你自拍呃你出去，教佢保護自己私隱，唔好相信陌生人等。你好似朋友咁同佢傾，如果要鬧就等佢父母鬧啦。
我今朝出門有同佢講過差唔多既說話，但打算今晚想詳細地解釋多一次
我都唔知咩心態啊，人地問佢幾歲佢照講，我心諗對方真係騙子一聽咁細個就實呃佢啦
佢地完全唔check架，見個女係屋企正常就唔理咁多（雙職父母）
我姪女小6 又好似你姪女咁玩埋大陸app抖音啊微信 最後玩到同人玩網戀 對方仲要佢傳裸照 好彩及時被佢父母發現 依家佢父母規定佢只可以係佢地都係屋企果時先可以用電話
真心好驚發生係我地身上，受害者年紀越黎越輕
佢之前都有睇抖音，我有同佢解釋過點解唔好睇，佢最近就冇再睇啦
係啊，不過私下同佢玩開既同學唔多，停課後就黎黎去去幾個大陸frd咁
佢都有ig不過唔用
可能佢啲朋友仔都冇用
我今日都有諗過，因為叫佢del app容乜易再down返，都係攞返控制權好啲
我未同佢地講啊，今次嚴重性勁好多希望佢地會認真處理啦
唔係ka,
只要unlock到電話，就可以隨時改到app store密碼。
有另一方法，係唔洗拎佢電話情況下改。
首先要知佢iphone 嘅apple id，
初頭一兩次可以溫和地勸下先，如果下下鬧佢父母可能覺得你蝦緊佢d小朋友。
我知啊，佢個apple id都係我申請
我諗住同佢父母講左先，鬧醒佢地更重要，咁細個接觸咁多野都係佢地縱出黎