話說… 做緊深藍公司, 90% 都係老seafood, 同藍血人, 個個都事非當人情, 因為我係黃, 已經成日有說話聽, 仲比D大粒照過幾次肺…
我宜家已經13weeks, 係公司只係同老闆講咗我有BB, 連HR都冇講…
好諷刺, HR係全公司最事非果個… 做HR做到可以周圍爆同事私隱, 例如, 同事A 改地址 第二日全公司就會知同事A由邊到搬咗去邊到, 又或者, 同事B 放病假 好快全公司就會知原來同事B入咗醫院做口腔手術… 呢D…
我呢13weeks 嘅產檢, 只要係私家醫生到做, 都會要求醫生唔好寫病症, 但係宜家開始去政府做產檢, 冇得唔寫病症, 如果交假紙果時夾埋私隱專員公署嘅條例（第 9 部 罪行及補償 - 64. 披露未經資料使用者同意而取得的個人資料屬罪行）會唔會好串… 但係我真係好唔想聽說話… 仲可以點做…
你意思係怕佢週圍講你大肚？
係呀… 因為佢D說話真係好難聽… 希望可免則免
呢d緊係背後篤佢，例如匿名信比老闆
你個肚會越嚟越大，遲早都有人知架喎
何況，以你講你公司嘅情況，如果你再做啲小動作唔比其他人知，我可以想像到啲說話只會更加難聽
例如：
大肚咪大肚，做乜要咁神秘唔比得人知，係咪個bb唔知咩人經手…
你未來直到生，啲人都會不斷猜測點解唔可以比人知你懷孕。咁不如由啲人講，大肚呢啲嘢其實都冇乜話題性，講幾日就冇人講架啦
其實老闆知好耐個HR係世界咪… 不過老seafood… 吹佢唔漲
我都明… 不過… 佢係果D反炒再反炒… 我試過著黑色衫, 感冒未好晒帶口罩返工, 比佢講足2個月呀…
有d HR真係好冇操手，之前有間公司辭左職，我都未同任何人講我要走，茶水呀姐已經問我點解要走，講到明話係HR同佢講
你公司藍絲佔大多數好易比人圍，總之有乜都唔出聲或背後篤，唔好正面對抗啦
不如咁，你快過佢公布，等佢冇得講。
我之前做過一間公司有個男hr 又係超無職業道德 成日爆人地既年齡出黎
好難匿名喎
有晒故事好易估到邊個
認同，佢都講硬，而且肚現都會知，不如自己講
題外話，以前公司hr又係好無操守，專幫朋友升職
老闆同hr關係點先？後台硬唔硬？
佢要周圍唱既，就算你夾私隱條例佢都有辦法講出去，到時你係咪企硬投訴/舉報？
btw大肚婆係大哂，你要好好利用啊，佢有啲咩小動作咪話佢搞到你唔舒服囉
再btw呢啲深藍工公司早走早著～
都係~ 咁我得閒又唔舒服吓先~
我就係想辭職先發現自己有咗, 宜家法例仲要加到14星期產假, 老虎蟹都放完先走~~~
有道理~ 一陣交埋產假張假紙先
哇咁你真係大哂
果時真係錯有錯著, 明明計好日子24號比信, 點知19號就發現自己有咗
大肚喺公司大曬架
粗重野唔做得，擒高擒低唔得，企多陣又會抽筋喎
記得記得，有咩風吹草動就話唔舒服要SL喇
睇吓你公司有無計劃炒人 如果係就快快遞懷孕証明俾HR 因為唔炒得
消息流咗出嚟的話班藍人說話唔好咁上心 保持好心情安胎就得
你好彩呀 因為轉咗工未做滿連續40周就無有薪產假㗎啦