剛剛發現流啡分泌物, 跟返上次黎M第一日我應該係8w, 不過上個禮拜去睇婦產科,佢剩係照到胎囊，未見胎心！
我好驚係空心胎，我黎緊28號再去照！
擔心
咁你上次有冇聽到心跳？唔好擔心咁多，休息多啲
1個讚
聽朝一早打去同醫生或護士講你流啡。睇下佢地會唔會俾你早啲覆診。
我個時都有流啡，即日打去即日去檢查。
2個讚
1個讚
今日去左觀塘卓越睇婦產科，好彩呢間星期日都有開，睇左打左支安胎針，同埋出左一星期安胎藥！希望寶寶繼續痴實我！今日終於聽到心跳，佢比起last M 既週數細，原本計係8w2, 醫生睇完係6w2, 心跳同胎囊比較細同弱,希望無事啦…
3個讚
加油！果陣我都好初期流啡，公立醫院醫生都話我小產。但依家bb已經出左世
1個讚
其實呢兩日，都有出血，有肚痛（但未去到好肚痛），出血量未去到要換M巾（一日），但就好驚去廁所，驚去親就會出好多血！一直有食醫生出既安胎藥，加有食中醫既安胎藥！要到28號先覆診，而家係唯有等待到覆診，祈求一切平安！
有時遲排卵都會細啲，我照超音波都比計M期細左2星期。我7week 果陣直情試過流鮮血，都係靠瞓床&安胎藥保住，而家6個月喇
樓主你休息多啲，唔好諗咁多
1個讚
唔好食中藥安胎，始終都有藥性。休息多啲，唔好操勞。我之前都流過啡，過3個月就稳定
1個讚
覆曬咁多位，多謝關心！！
寶寶決定離開左我，我都無得強求，而家坐小月中，會努力養好身子，同埋尋求醫生協助，我一定會努力搵到原因，再努力準備好下一次寶寶既來臨！
2個讚