我明白全人奶係最好，但真係唔需要咁大壓力，bb 同媽媽（心理同身理）健康一樣重要，奶粉唔係毒藥，唔夠奶好、bb配合唔到全埋身好，都可以補下奶粉，人奶餵得幾多得幾多，做媽媽條路好長，餵人奶/奶粉只係佔佢人生好小嘅一件事，放鬆d，加油！
4個讚
我bb宜家2個半月，用左足足一個月有多，慢慢由全泵轉去半泵半埋身再全埋身先追到佢嘅食量 （講緊係埋身夠食，但我唔受泵，泵就唔夠）
人奶係有好多好處，但如果餵人奶影響到媽媽情緒同埋同bb感情，係得不償失架，而媽媽情緒又會影響奶量，宜家照你咁講，你已經餵好密，但同時對於照顧bb覺得自己做得未夠好，你應該覺得自己兩邊都做唔好，好失落，我會建議你做好是但一邊先
始終人奶方面變數多，唔好介意，補奶粉其實係一個比你可以抖抖氣嘅位，我明會好自責好失落，但我當初唔夠奶時都係補奶粉，慢慢埋身方面愈來愈好，補奶粉就愈來愈少
另外餵人奶方面，有無搵過健康院人奶姑娘幫手？如果你係政府醫院生，仲可以免費預約母乳診所，佢地有母乳顧問 （感覺比人奶姑娘更專業），可以幫你執下姿勢，我都係去見完後先轉到全埋身
（見我咁夜都仲覆到你就知我啱啱泵完奶，有需要可以pm傾，人奶路唔易行，所以，加油丫同路人
）
之前我喺另一個post都有分享過，有興趣可以睇下
奶媽唔易做，但我相信你一定得，唔需要自責自己
我記得阿女頭9 日大，我極之缺奶，自己又發燒、血壓高、貧血，阿女又黃，所以我每次埋身後，都要補2 -3 安奶。
目的，就係阿女一定要飽、去夠vv 先退黃，反正奶粉姐，又唔係乜嘢，結果佢第10 日退黃，我就下決心、掉咗罐奶粉，全心投入谷奶，日日夜夜埋身、全日餵奶1X 次人都癲，仲要冬天。
不過我終於捱過滿月，亦因為feed on demand ，變成一個富媽。
奶媽路要好多耐心、耐力，先容易行。唔好諗自己可以餵幾多、幾耐日子，只要有就係最大嘅愛比BB
加油
- 我女3.5 歲自然離乳，今年已經15 歲
2個讚
我都係同你一樣
依家BB 3個半月
當時起碼用咗兩個月瘋狂埋身
去到一、兩個鐘頭餵一次，每次大半個鐘，先至追到佢食量
差唔多第三個月戒咗夜奶，先至有半夜一餐泵出嚟儲起準備返工時俾屋企人餵
一泵泵成一個鐘，有時都無佢一餐份量，要集液
之後最近開始返工，只可以偷時間喺公司泵奶
工作忙有時只可以泵到一次
然後就越泵越少，好傷心
睇住個同事輕鬆泵到一大堆冰奶，pack pack都漲卜卜，我啲就一樽樽得少少，等集液⋯⋯
仲要hands-free泵得仲少，始終要加手擠攪到無得一路泵一路做嘢/食飯
好多時都想放棄算，餵奶粉啦⋯⋯
但返屋企埋身嘅時候，佢食完對住我笑嗰個樣真係無得輸⋯⋯
要加油呀！you are not alone!
無錯，埋完身對住我咪咪笑，真係冧到爆，平時樽餵好少見，祝樓主都可以遇到呢一幕，真係一切都覺得好值得
（係丫，又夠鐘餵奶啦
btw全靠母乳診所執我姿勢，我由原本用兩隻手托頭托胸餵，教我轉去單手抱住餵，宜家一路餵奶可以一路玩電話
）
1個讚
餵人奶唔係易事呀，但餵順左其實都好方便下, 半夜唔使起身開奶, 拿起件衫就餵得, 出街仲爽, 唔使攞奶樽/ 熱水/ 奶粉, 一條餵奶巾就去邊都餵到
我第一胎果時又係好討厭啲人係咁叫我補奶粉, 我夠奶但大仔到3個月先肯埋身食, 我個胸又唔受泵搞到成日塞。。。 老公又話驚我辛苦所以成日叫我放棄餵人奶。。。 但最尾我都餵到14個月先停
第2胎個人放鬆啲，有補下1, 2 次奶粉, 好似我放鬆啲個老公都無咁煩我要停人奶 而家細B 剛滿月, 佢之前要住院唔俾埋身又有胃喉補奶, 搞到我地仲未夾到個奶量供求。。。 唯有俾啲時間大家夾下啦！ 我要食多啲飲多啲去追奶
媽媽們大家都一齊加油呀！
我仔啱啱出世第三日都試過vv有D橙紅色，之後仲入醫院check，意外發現佢有先天性心漏，所以頭半年都冇埋身餵，因為怕佢心臟負荷唔到，唯有每日泵8次再加1餐奶粉，人奶路係辛苦，就算未能全人奶都唔緊要，最緊要係BB身體健康，我仔個心漏冇影響佢健康，只係食奶比較少，唯有少食多餐，最後餵到21個月，我身體唔舒服就停。
你好努力了。
我自己係心情放鬆佐先多佐奶。
身邊其實10媽媽9個都會補奶粉。我自己覺得你同bb既關係先係最關鍵。頭1個月真係最辛苦架。過耐啲佢埋身冇咁密就會好啲架啦。
我有個細既剛離乳。真係有啲唔捨得。。。
上左奶，除左埋身，埋身之後可以加埋泵奶，去刺激身體再做多啲奶，因為刺激=俾身體知道唔夠。起初你可能會覺得「埋身之後泵都無咩奶」，俾d 時間，身體由知道唔夠奶到去做多啲奶都需要時間同日子去處理。
另外，bb 一埋身就訓係好正常，一來佢初生可能未退黃係好攰好眼瞓，二來有媽媽抱係好有安全感，三來埋身既安全感係其中一樣只有媽媽先做到既。唯有佢食奶時搞下佢手腳、耳仔，一訓就掃醒佢食奶。啜住奶奶訓覺都唔緊要，最緊要bb 肯休息。當然你間中都俾家人接手抱下bb 訓係好事，你都要休息，夠休息先會有體力做奶。
最後想講，媽媽你已經好努力
放鬆啲，壓力會抑制做奶出奶，你要相信自己同bb，仲有醫生既說話。
我最初埋身佢都唔夠飽，唯有補奶粉，就算大人如果餐餐都食得半飽都唔舒服啦，總之一定埋身行先，等佢盡啜，你間廠知道唔夠貨就會加單趕工，慢慢奶量就可以追到架啦 （我上星期仲係泵到100，沈日泵到兩次120啦，真係跟住bb食量上架）
1個讚
人奶唔係個個都易餵，如果唔係市場上都唔會有咁多上奶supplement。
啲人話乜話乜，岩聽嘅就參考，唔岩聽都唔洗用黎迫死自己。
你衣加先生左兩星期咋，我生左幾個月啦～都未追到奶，日日補奶粉，so what？bb肥肥白白勁精靈。餵到幾多咪餵幾多囉！其實重重波折都肯餵人奶已經好好，窮媽嘅辛苦得窮媽先知！
最緊要bb健康，餵唔餵奶粉阿媽自己決定，你先係要對bb負責嗰個！
我頭一個月又虛又病，都冇精神搞隻b，所以佢好痴陪月，睇到係會覺得自己好冇用，不過成世人流流長，你驚佢唔知邊個先係親生父母咩，衣加bb就算大喊，一見到我出現就笑翻，你都好快會感受到bb最愛嘅係媽媽～
5個讚
真係不能認同更多
圍爐攬攬先⋯⋯
最近阿B好似又唔多夠喉
返工泵又越泵越少
睇怕聖誕假都係要全埋身瘋狂密密餵嚟追喇⋯⋯
好攰呀⋯⋯
1個讚
我到阿B滿左月先明白呢件事
有一日坐坐吓先醒起，係喎，就快打疫苗
未諗跟健康院打定係出去打⋯⋯
然後先再諗到，係喎，要同佢玩啲咩train佢發展呢？
咁先喺個「瘋狂追奶loop」度走咗出嚟⋯⋯
2個讚
加油呀！唔好比咁大壓力自己。相信你已經睇左好多點追奶，但你唔介意嘅話，我可以分享下自己點樣追奶。
真係一定一定要迫自己食多啲，最好make sure一日有5餐，食完飯食糖水。其實唔使點食啲好補嘅嘢但係一定要食，食足5餐：早午晚，飯後糖水就係我的下午茶同宵夜
我自己就係煲木瓜魚湯好有效，跟住會飲埋椰汁木瓜西米露或者有時我會煲紫米糯米西米溝埋一齊煮糖水，最緊要自己鍾意食鍾意飲！
加油！！！
1個讚
其實如果全埋身想再追多啲奶係咪都唔洗泵呢？係咪剩係俾bb放題式咁食就ok?
我係架⋯⋯
不過我個B總有半夜一餐瞓咗唔食，就泵出嚟囉
我b 三個月 (忽然發現喺bd留言已經由個半月變兩個月兩個半月，宜家再變三個月
)，之前成日要搞到12點幾1點先瞓，最近開始sleep train，晚晚都要啜啜先肯瞓
最近如果我樽餵，佢開頭肚餓會係咁食，食食下發現唔對路會頂返個奶咀出黎，擰轉頭搵蓮姐
苦難