而家就黎7個月
加固左一星期左右，每日一餐，試過食米糊同用瘦肉煲粥仔，每次一開始都識得張開口，食左大約1/3碗倒就無乜興趣食咁，再補奶就飲少少就唔肯飲，但過兩個鐘倒就喊肚餓，跟住飲少少填一填肚又唔飲，就好似少食多餐咁，但我就頭都痛埋⋯⋯
想問下大家bb一開始加固係咪咁架？
定係因為佢無興趣食？
如果咁既情況，我驚佢唔夠營養，使唔使轉二號奶粉呢？
唔係6個月就轉2號奶粉架咩？ 定係隻隻奶粉唔同
（我既2號奶粉指最初個隻係1號奶粉，而唔係0號）
未加固前，隔幾多個鐘飲一餐奶？ 正常情況，一餐固體（有蛋白質/瓜菜/碳水佬合物），代到一餐奶時間就可以。
同埋都要睇下你bb平時飲幾多份量奶？如果不褸細食，食得少就飽都唔出奇
6個月就可以轉2號，你嗰隻奶粉係幾時轉得？
Bb一開始加固，主要營養來源都係奶，食粥仔只係佢食嘢嘅練習，一開始唔洗太在意食量，有食到粥同有飲得夠奶就得
到bb可以食到多啲粥，就慢慢減奶同加粥
同埋7個月三份一碗都唔少喎
初初開始俾米糊佢試下個感覺
可以溝奶/溝水
等佢習慣下吞食物 慢慢食多啲慢慢先加唔同野同代一餐
瘦肉煲粥仔會唔會快左啲…我都係米糊起手先
健康院有講轉唔轉2號都得，所以我當時就無轉⋯
未加固就4個鐘一餐倒
而家食緊米糊就2個鐘一餐
我都搞唔清係唔夠飽定點
補奶飲得少少但2個鐘就喊肚餓
食緊enfinitas，都係夠6個月就轉得
bb而家第二餐用奶開米糊，咁係咪應該用1號開米糊，第三餐先轉二號奶粉呢？（米糊完補奶係人奶）
都有試過俾粥仔佢食但就好似無食米糊咁叻
無俾bb食肉既，諗住瘦肉煲粥有味啲
都係試左一次落瘦肉咁煲
通常試米糊要試幾耐呢？
Bb由1號轉2號奶粉要逐餐轉，例如一日食四餐奶的話，第一日食一餐2號+三餐1號，第二日食兩餐2號，慢慢加上去，其間觀察吓bb反應，因為2號奶粉蛋白質比1號高，bb一開始可能會便秘/消化不良，覺得佢未適應到就轉慢啲
我見你話補奶用人奶，咁快肚餓好正常，因為人奶水份比較多，無奶粉咁頂肚，所以好多人臨訓最後一餐奶會比奶粉唔比人奶就係咁解，如果你補奶用人奶，可以比多少少佢試吓
咁應該唔夠飽wo
可以加餸落米糊比佢食，又或者揀爛菜/瓜肉落粥仔比佢食。