我39歲，而家9+5，住將軍澳區
去聯合生，琴日第一次檢查，姑娘講咗遲啲會幫我做埋照結構。
但唔知同私家係咪會好大分別？有冇人試過公院照？知唔知同出面私家差幾多？
因為我仲未決定搵邊個私家醫生做檢查，所以照結構都未知搵邊個同做唔做好。最好就想搵返同一個醫生。
Nifty就搵左卓越呂醫生，下星期就去做，打算睇下到時情況再決定會唔會keep住搵佢
自從有咗之後個腦hang哂。咩都諗唔通
你高齡，開刀好好多，政府無得比你揀開刀定順產（高齡順產for大人同bb都危險好多）
政府嘅你可以照去做，當係政府醫院度留個record，但今時今日好多大陸醫生，你自己考量下啦
基本上九龍同新界d政府醫院for產婦黎講都係差評，港島好d，東區醫院同瑪麗好多好評
d重要產檢，一定係去私家穩陣好多，呢d錢無得慳
4個讚
我都同你差不多，但威院連結構期都無俾我，好慘！
1個讚
我都係高齡
將軍澳醫院都有安排照結構
個人都覺得算細心嘅
我都有出去找私家醫生照結構
會詳細好多
因為我真係信唔過政府醫生
最後都係私家醫院生 開刀
1個讚
佢話差唔多時間就會通知，你夠18w喇？
我都係高齡,係聯合順產生,都有係聯合照過結構,個mon會好矇,你會睇唔清邊忽打邊忽 
醫生都會講解下佢睇緊邊忽,好快就照完。
我都有再係私家照結構,同睇開嘅私家產檢係唔同醫生,因為產檢個位醫生唔做照結構。私家照結構當然好好多~服務、態度好,部機2D、3D、4D齊晒,睇得BB好清楚~講解又詳細,仲有相、片拎返屋企慢慢睇~
照結構好重要,一定要做!如果2揀1,我一定係私家照結構 
依家公院比你照結構就做埋,可以見多次BB,萬一有D位有疑問都可以係另一個照結構時,再睇清楚D~公院未同你照結構之前,如果同公院講你會出去私家照結構,佢地知道可能取消同你照結構。我做nifty都冇同公院講,佢地知道左可能取消個唐氐檢查。 
nifty我都係卓越做,因為當時有優惠價,就唔揾睇開嘅私家產檢醫生做~
1個讚
高齡 政府一定會提供埋結構。
如果有錢鬆動 政府私家兩邊可以照，私家點都會全程俾你睇到個BB，而政府唔一定有得睇。
我個時只係係政府照結構無係私家照。但就唔好彩BB唔合作搞左幾個鐘先完成，而個幾個鐘我都無得睇，只係最後個十令分鐘先俾我睇。
1個讚
你可以私家政府兩邊睇，會安心D。
題外話，我識得2個超過43歲先至生，佢哋只係睇政府無睇私家，話政府既設備都好好，唔需要花錢睇私家。咁佢地小朋友出世都足月，身體無問題，精精靈靈
1個讚
公立我喺瑪麗照，由姑娘照，照左30分鐘，佢有數哂左右手，左右腳，心，胃，等等。無數手指腳指。其實都幾詳細。
另外私家我睇卓越孫醫生，佢照得超快 有數手指腳指，有report.
我有朋友喺私家照詳細到連血流方向都講埋
1個讚
我之前都係高齡有聯合照結構，比我感覺係,政府照結構係比醫生實習用，因為0個時我有個醫生照，後面企個senior睇住，有個位醫生照極都照唔到，後面個senior教佢可以點照
全程無同我講返bb 0既野，我只係自己睇住個mon
不過我本身都已經book左私家結構所以政府呢邊當bonus照下
私家係詳細好多的，唔知其他政府醫院，我都係聯合會建議要出走book私家照，同埋私家會比你睇埋d血流動，但lee部分政府係無的
1個讚
我唔係高齡，但好認同有啲錢唔慳得，
例如Nifty/T21、結構，呢啲好重要嘅檢查，都最好去搵私家做，
1個讚
我都覺得 有D野真係唔好慳
T21 結構 有錢一定要做
有時以為慳個幾千 生左出黎 真係無得返轉頭架
1個讚
我第一胎就瑪麗同私家都有照
覺得最大分別在於有冇張相拎走
瑪麗照之前都有聽過話公立冇私家照得咁仔細
但去完又唔覺 真係差唔多
當然冇影4D啦 但我哋都唔介意
因為本身已經覺得所有4D相都係一pat嘢咁 
第二胎產檢都係睇瑪麗另外私家產檢睇高錦安醫生
佢話既然瑪麗都有照結構我可以自己選擇額唔額外搵佢照多次
因為覺得分別不大就淨係照公立
但之後每次產檢高醫生都幫我照得仔細啲
同埋之後每次佢都有影埋4D相
1個讚
想當年我生大細仔，未係高齢，一心已經諗住喺私家生，但又喺公立醫院留record以防萬一。個人感覺東區醫院啲醫生幾好，姑娘都ok,不過係要等好耐。果時我兩胎都有幫我照結構
1個讚
點知卓越幾時有優惠價?
當年3年前左右,係親子x國有個post見人話有優惠價先知。呢幾年都好耐冇去親子x國lu~
卓越呂醫生好無？我都諗緊搵邊個醫生做產檢好