24x7 喺屋企
2-3個鐘餵一次人奶
差唔多3個月每晚淨係訓3-4個鐘
日頭做家務 餵b 換片掃風 冇時間訓
武肺疫情 冇得出街
冇見過朋友
日日困喺屋企對住bb
等老公返黎幫輕下
餵人奶時bb整損乳頭 好返 又再損
谷得勁嗰邊先會損另一邊唔會
間中泵出黎雪起 再埋身餵會好啲
但又要泵又要洗又要餵= 唔駛訓
宜家阿b仲要發濕疹
更加要keep住屋企乾淨
見住佢係咁r痕訓唔到 又心痛
好辛苦
尋晚餵餵下b 又攰個胸又痛 喊左出黎
冇人可以幫手
好驚照顧唔到自己身心 搞到照顧唔到bb
如果真係太辛苦，可以餵奶粉，唔好勉強自己。
日子總會捱過。食方面可以叫外賣，家務量力而為
有濕疹可以試吓轉換洗衣液、睇吓會唔會係對洗衣液敏感。
濕疹要注意皮膚唔好太乾喎
我明，又攰又胸痛真係好難頂。我請左鐘點一星期黎兩次好DD。
我一個一歲半唔識停，一個兩個月，大果個又成日攪細果個。當你諗到有人同你一樣或者仲衰過你你心情會好D。
我之前同你情況一模一樣呀
有無用羊脂膏？次次餵完都揸會好啲㗎
Bb有無用手套仔，用咗唔會r損
已經三個月大的話，捱多一兩個月就會有覺好訓
家務唔好勉強自己，搵人做啦
辛苦你喇！
冇人可以樣樣做到足架，唔好對自己要求太高！
下午啊b訓教你有冇得又訓一陣啊？
3個月都應該就快戒夜奶！
試吓訓前個餐比多少少佢？
你人攰，奶水都可能唔夠架！
其實餵奶粉冇壞啊，我3個小朋友頭2個都食奶粉！
唔洗迫得自己咁緊！
其實本來係餵全奶粉架
因為阿b多肚風 晚晚係咁嘈
搞到連老公都訓唔到
所以索性唔用樽餵
慢慢轉全人奶 埋身餵
加上醫生話阿b濕疹餵人奶會冇咁嚴重
做nb 媽媽都已經唔簡單，你仲要單拖，一個人兼顧到咁多嘢真係好叻
食嘢個方面可唔可以叫月子餐？家務做最basic 嘅 minimum 就好喇，唔洗太勤力
濕疹你有冇用緊特定嘅沖涼同body cream？我最近冇用梘液，轉左bath oil 覺得幾潤。我小朋友皮膚乾用油用得幾好
會有守得雲開嘅終點一天ga，唔會永遠都係咁！加油！星期六日老公喺屋企時你有冇得出去放下風？