我預6萬中到
請問我應該點做？
係外面搵醫生還是跟返私院既醫生？
想問埋邊間醫院開刀會比較便宜？
揀醫生時一般都考慮埋個位醫生去開邊幾間醫院！
平就真係唔知，6萬中應該浸會、法國、仁安都夠？要等有冇其他媽媽有最新update, 唔肯定！
仁安未必得啊，我5月生順產冇打無痛都差唔多6萬
我諗開刀私家嘅話最保守都要預8萬
睇下你有無心水醫院先，根據價錢，同屋企距離而定
再睇下有無心水醫生…
唔係註院醫生就要睇下個醫生響邊間掛牌
我岩岩上網睇左寶血醫院有個package
5萬頭
看你想跟醫生 定想跟醫院
好似我咁 因為想港怡生 所以搵會去港怡醫院既醫生
搵岩醫生就同佢講想佢開刀 同去邊間醫院
佢地會話你知邊日可以開始可以開刀
你選擇左日期 佢地會比資料你同價錢
岩既就去醫院落訂
到開刀個時入院就係咁簡單
仁安我book左一月頭，大約7萬左右。如果upgrade房就大約8萬～
請問您係幾week book ga? 我醫生成日講順產唔使咁早book,但我份人好緊張
睇你想跟醫院plan (平啲但未必有得揀你想要嘅醫生) 定係跟出面嘅醫生
如果醫生自己出面有診所 程序係：
- 請親身到診所 填表 申請床位.
- 申請表會由姑娘協助 傳真 到醫院申請.
- 回家 等待 床位號碼. (大概一星期左右)
- 待醫院回覆床位號碼後,會由診所姑娘 致電或WHATSAPP 通知.
- 請把 床位號碼 填上 申請表 上.
- 然後必須親身 帶申請表格 到醫院交按金(請自行向醫院查詢辦工時間)
- 完成 預約醫院床位手續.
*(如果選擇開刀生產, 交付按金後就可以致電診所安排預約開刀日期)
*(留意開刀生產, 必須要38週或之後, 雙胞胎或高危生產者除外)
*(若需要於指定日期+時間生產者, 請留意其附加擇時辰費用)
跟醫院就直接聯絡醫院產科問詳情好啲
6萬私家開刀應該唔得啦。順產6萬都未必得。可以去卓越睇吓，我覺得醫生價錢合理
早2日係浸會問過，浸會婦產科醫生，順産住四日around 8萬，開刀around 10萬。