因為已有其他投資 (基金,股票)
但始終想揸磚頭,
明知人人話樓市會跌,
但現在睇依度有3厘租金回報, 地點幾好, 是否應該買呢?
業主又唔肯減, 不知如何是好!?
請指教.
本身有無自住需要先?
3厘計左買入既費用未？例如印花稅、地產經紀費用、律師費，會唔會執下間屋先出租？出租要俾一半首期架喎…
計左管理費地租果啲每年費用未？
仲有會唔會借錢？我當你借錢要俾1.5厘費用
咁其實食左你一半回報，即係1.5%回報…
咁不如做定期好過
不過！如果你睇好樓價會升又唔同講法呀！
所以最後，單睇收租回報唔會買，睇好樓市升值同埋長遠唔會離開香港先買…
或者出年多人走再睇下個價會唔會跌
5個讚
沒有自住需要.
謝謝你寶貴意見, 我不應為買而買, 要再諗清楚.
1個讚
加多一點：
要計埋物業稅。
1個讚
一句到尾，三年後你睇升定跌，答到自己就有答案。
1個讚
香港咁嘅環境
唔移民都走資la
咁嘅環境仲責幾百萬博3%？
仲要係香港？
不過上BK
應該大把大媽支持你
4個讚
亡國話要買就上大灣區買
唔考慮外地樓？雖然要做多啲功課，又要搵可靠agent
利申唔識
呢個都係一個選項，如果睇租金回報，有啲外國樓真係比較高
不過隔山買牛唔係人人中意
大家交流下姐
希望幫到你
假如你打算長住香港想買樓, 可看看以下link, 和他們傾, 幫襯他們
外地樓應該唔多人敢搏
不如研究下美股
1個讚
我都唔識投資
但有足夠餘錢我都寧願揸磚頭好過股票
始終就算樓價跌都仲有四幅牆，收租自住都得
其實大灣區樓真係會升嘅
不過買大陸樓風險好大囉
制度法律價錢都唔透明
我就唔敢博
不過又想起, 早廿幾年 幾個親戚買啲其福新村子京花園 全部玩到唔再返上去玩 走貨時係有賺既
大陸識玩可以發達，唔識玩可以渣都冇，睇你識幾多人啦，唔識人又唔熟路咪試
3個讚
好中肯！
3厘都唔錯呀 仲未計磚頭本身都有升值潛力
如果遇著啟德早排一炮過交一年租嘅就正 再加埋34校網 真心無敵
附近就黎又有個新盤 同一發展商 抽得過