原來賣樓都唔係想像中咁簡單
10月中開始放盤
喺Facebook自讓，（有3、4個人約上嚟睇）其中都有2個人出過價，但個刻都比較過係低過近月成交價，個買家又唔再還價就告吹了。
11月頭放咗俾三間大地產啦！每個星期六日都有客上嚟睇樓，前前後後應該都有廿枱客，但無人出過價wor…我個叫價已經低過銀行估價啦！同埋跟AA 講仲有得傾 (底價已經跟近月單位成交價一樣，仲要我高幾層）
唔知放緊樓嘅業主，情況如何？！
1個讚
無人還價都應該係價錢唔吸引 ~
1個讚
如果成20組客咁多都無人出價 咁樓主真係要考慮下個價係咪開得高得濟
有朋友放梗樓，佢唔等住搬所以個價都幾硬，睇嘅多問嘅少，最近索性封左盤
但我已經係差唔多全屋苑最低叫價 + 10樓以上 （唔算極低層啦）
攪到個人好灰…
因為疫情關係，唔想人嚟睇樓？！
如果當年買入時個價，到現在都有賺，現在先要為自己前景著想為先，低於現市面價渣渣淋放好過，快快趣搞好未來打算最重要，否則到時樓又賣唔到，未來打算又行前唔到一步，到時仲後悔 ! 
可能唔岩聽，呢個時勢，如果我真係有心買，一定睇岩十間八間大大力劈落去，睇下邊個業主心急放…所以睇你急唔急
13個讚
一黎啦，二黎佢覺得d人上黎混吉多
多謝你！好啱聽，不過都會等埋農曆新年後會唔會有班人出嚟買樓 （小陽春）
同埋都要睇買家態度，如果交易過程愉快又順利，雙方都會係一個美好回億，總好過千辛萬苦荊棘滿途，先放到間屋但又好谷氣，影響健康及留下不能磨滅回億，令自己時運降低及影響交際工作運 ! 
無諗咁多，又唔係同個買家做朋友，一買一賣交易嚟姐
想搵個人嚟講下價都無，可能呢個屋苑好多單位劈緊價
我都放緊盤
但實在係非常唔急放嗰d，所以唔比睇樓住（但有曬室內相+video），叫價亦都非常進取
因為我嗰度成交好少，可以幾年先得一單，多d就一年有2-3單，所以叫做係奇貨可居，個價好啱先會放
2個讚
自問唔係靚裝/豪裝 （但有D AA 夠膽吹到係靚裝，我都覺得有D 失禮）
BTW樓主賣樓係想移民？
定係換樓？
可能因為你開個價本身令人地劈都唔好意思
我舊年同今年都賣過，開低左好快賣到，不過人人唔同睇法，冇得一概而論
正常就得啦~我當年去睇樓,一間似垃圾房一間似鬼屋,最後我買左似鬼屋果間 
你已跟近月成交定價，其實已貼市。
建議要睇下自己放盤對手係咩單位，如果大屋苑有好多唔同則，D AA仲鐘意讚人個則踩你果個叫你減價。我老公就試過將我地個則所有優點講晒出黎，再數返AA 比較果個則既缺點，對方收皮…唔一定即係賣得成，但之後D AA知我老公唔係流，唔敢再打黎亂開價同亂踩我層樓。
你係自主定鎖匙？如果鎖匙，要預左比人做示範單位，廿幾台客未必有一半係有心買。
我係早兩個月放左其中一層樓，當時已經係同屋苑入面高位回落咗少少，但都算好彩，因為最近交投氣氛唔係太好，有D優質過我單位既放左好耐都未去到貨。個個都觀望一月BNO VISA幾多人走、樓價跌幾多。所以唔好對出年小陽春有太大期望住。
另外要留意最近買樓好多人都要求長成交期，同埋聽相熟律師樓講銀行最近批錢都謹慎左，連做預批個價都好謹慎。
2個讚