大家好，我係新手在職媽媽，岩岩請左工人姐姐湊B，請教下大家有咩要注意架?
你佢有無湊過經驗？屋企有無長輩指點？係咪印印？注意下衛生細節，佢地好鬼污糟
1個讚
要有愛心，無愛心既都唔會對bb 好，同要話比姐姐知佢首要責任係照顧好BB
請姐姐都係要見步行步
1個讚
疫情下，仲有冇工人姐姐可以申請到黎香港？
老實講
都係睇彩數
盡量叫佢照顧bb擺第一
所有野safety第一 hygiene第二 其他都次要
同埋做得好就唔好對佢太harsh太姑寒
2個讚
所以只可以請本地完約
係菲律賓姐姐，之前湊過一個6個月大到4歲，自己生左2個。都會有婆婆睇住，不過就未必成日響度囉
1個讚
cam係必需，賓記最古惑
1個讚
入屋第一日講清楚家規、每日要做嘅嘢、自己要求等，好重要，一路做一路追加要求佢未必做足，亦會影響關係。我印姐姐算醒目，基本上第一日講完之後就自動波，咁佢做得好時我都識做，放假會比少少零用佢出去食飯買零食，大家關係好先相處得舒服。
不過真係睇彩數，有人話印污糟，但我姐姐好乾淨，有朋友之前勸我唔好揀因為佢單親媽媽顧慮多，但結果佢好好，反而佢雖然有湊bb經驗，但面對初生B都係有啲騰雞，呢個又係估唔到。講到尾請到個人品好嘅已經還神。
個人經驗，記得自己底線係咩，你係想佢湊掂個B，其他嘢就隻眼開隻眼閉，又要湊B又要做家務企理又要煮飯好食，問下自己做唔做到？我女細時我真係其他嘢當睇唔到，餸我地買飯都係我地煮，到呀女返左N佢有多少少時間先對家務有少少要求，再到小朋友返左全日K先要求佢做多啲做好啲其他工作，呀B細時搵長老間中幫下眼，裝埋cam自己睇緊啲，互相尊重咁就對大家都好
1個讚
我都係新請工人湊B
我果個都係菲，佢自己有兩個仔
初初黎好似好好，會自動波做晒所有野
依家差唔多半年就開始現真身
家務方面愈黎愈差
佢唯一好處係錫我仔
睇得出佢真心鐘意小朋友
其他野惟有隻眼開隻眼閉
但有時就真係好似攞咗個仔黎做擋箭牌
話抱住佢就乜都做唔到
佢會全日抱住bb訓
但同時另一隻手就狂㩒電話
建議你同佢一開始講明湊仔時唔淮玩電話
就算見佢悶都唔無計（我就係初初見佢悶話比佢㩒下，但依家變咗狂㩒）
佢㩒慣咗就好難變
同埋佢好鐘意un我個仔
就算無喊無扭計都照un
無時無刻都要提住佢唔好un
同埋我果個衛生麻麻地，唔好諗住菲就一定好d（試過係cam見佢撩完鼻屎就直接摸bb)
裝can 好重要
因為我四大長老都唔識英文
黎到會嚴重dead air
所以佢地好少黎
但有佢地係到姐姐一定無咁放肆㩒電話
請佢果時佢話會學廣東話
黎到表面上借d易話唔學
其實暗地裡自己有學（見過佢房有notes)
1個讚
記得留意佢哋嘅清潔例如洗奶樽同埋屋企抹野嘅布，例如抹地布同抹枱布
另外一定要有cam
最重要係有湊b經驗同乾淨！第一眼睇下頭髮會唔會油林林指甲留好長嗰啲
不過都講運數，我朋友請過一個姐姐，初初話湊b冇問題，到生完之後話唔敢掂個bb 
我覺得所有野一定要親身示範俾佢地睇，要佢地跟你方法，淨用口講好易做錯
我果個新in的，原本12月來
而家都未黎到
不過暫時都寧願佢未黎住⋯
如果係初生b,佢既奶樽/泵奶野同入口既野（eg 抺咀既紗巾，我會自己搞，無論講幾多次，工人始終都係洗到個樽同奶咀係油既
我工人係有鼻寒同會磨牙，而且訓覺地震都唔醒果隻，我唔敢俾呀b 同佢訓，注意既地方係視乎你要求高唔高
洗BB奶樽同面巾等貼身嘢要睇到實，最好經常突擊檢查過程
我之前炒左一個印，先係將阿仔抹面紗巾放浴缸度擦（係放喺浴缸就咁無用專用洗BB毛巾的盤），係屋企人見佢入咗厠所洗左好耐突然話去廁所，叫佢出嚟先撞見到，結果我仔真係無耐有菌入眼在眼皮下生左粒嘢！！
又試過已經另外買左個專用洗奶樽奶嘴嘅盤，佢都仲將我仔啲奶樽掉咗落洗菜洗生肉個盤度，我都係突然入厨房撞見，仲駁咀話佢有洗乾淨個盤，即炒！嬲到我爆炸！
如果唔係咁啱撞見真係唔敢想像，所以要睇實啲，睇落乾淨，但過程好重要！