屋企想買個蒸焗爐 有冇咩牌子/型號推介?
睇下你廚房有幾多位? 整咩多?
有大買大, 我就用東芝TC20, 貪佢內龍夠大, 放到落廚房, 又唔貴, 一般蒸野焗野都冇問題.
廚房唔大呀 想有時蒸下海鮮 焗下蛋糕咁
如果廚房唔大 (或者準確D係你準備個爐放係邊, 果個位可以放到咩size?), 黎黎去去都係座台式果幾款, Panasonic 中P/小P, 東芝TC20 (我用緊果部), PZO, 惠而譜…你要睇下邊D呎吋放到去你個位先。
我自己就PZO同惠而普都放唔到…小P又太細對我來說 (只得15L), 所以當時只係考慮 中P 20L 同東芝TC20 都係20L, 咁東芝果個內龍係大D 擺位好D, 可以放到一條魚, 又可以上下兩層同時蒸幾碟餸, (中P雖然都係20L但佢係高D, 窄D).
一般蒸野相信部部都OK, 焗蛋糕我呢部就要D技巧因佢爐溫係有D唔平均, 最右邊係熱D…呢幾部佢都有好多fb 交流group, 你都可以入group睇下其他人分享既食譜。
我都係toshiba TC20
貪佢內籠大，細細部，黑色靚仔，有燈
平時早餐就蒸焗返麵包牛奶，午餐就一次過蒸返前晚嘅湯同飯餸，夜晚就一係蒸野一係焗野，有時連爐頭都唔駛開
一星期焗一次蛋糕
我用東芝，內籠橫身大，有燈，頂部傾鈄倒汗水唔會直接滴落食物面。其他 和P 大同小異
如果錢唔係問題，Gaggenau 400系列 fix water果種 係我見過最好蒸焗爐，淨係自動噴水清潔已經無敵，就係每次清潔成本貴d, ~$20usd