阿女4.5歲
一出世開始已經係大喊十
諗住大大下會好，點知越大越喊得緊要
著唔到件衫又喊，無人陪佢覺得悶又喊
小小就喊到lur曬地尖叫
每次都同佢講喊係解決唔到問題，教佢有咩可以好好地講，但依然繼續喊喊喊
可以點？
加埋個妹，兩個日日喊到家嘈屋閉
有啲機構有情緒管理課程係俾小朋友
可以搵搵
2個讚
安全情況下由佢喊，佢一回氣時喊細聲咗或停咗唔喊，先問佢乜事，一問又喊的話，又唔好再問佢理佢，做番自己做緊嘅事，慢慢佢會知道喊係無用
4個讚
比佢喊飽佢，點喊都唔理佢，愈喊愈唔比佢得到佢要嘅嘢
睇佢會唔會喊到廿歲
已經有咁做
每次同佢講，媽媽唔會理會喊的小朋友，你自己喊完通知我
佢就真係喊完癲完扭完行埋嚟同我講返發生咩事，我會同佢解釋返同講道理
但下次，都係要喊左先🤦
日日咁樣，真心攰
睇嚟都要搵下🤦
一係佢有心理上需要問題要解決，一係就attention seeking，如果係呢種，唔好理佢，無觀眾就會慢慢好㗎。問下老師佢學校係點。
同我小朋友一模一樣，咩都喊左先。
明明做到但只係做得唔好或者唔順佢眼發脾忟憎若果無人幫就會喊。
我同佢講件事諗下需唔需要喊，唔需要就笑啦。
復課個段日子學校教學主題係堅毅同困難，老師都知道我小朋友遇到小小事做唔到就喊，有同佢講教佢遇到困難要點做，係有改善少少，但係屋企好快忘記晒。
平時你多唔多時間同佢單獨相處？
佢以乎係想獨佔你多d，好好地講得唔到你關注，咁咪喊囉。
因為同你相處時都有其他人一齊，加埋有妹妹，佢怕失去你嘅關注。
個妹有樣學樣，唔好怪佢，講真，唔係佢想做大女。
有冇睇過一個爸爸同個女輪住喊？
啊女喊，爸爸話「my turn，到我」之後爸爸大喊，啊女o咀，爸爸話「我喊完，到你」
啊女又喊，爸爸又話「到我」，之後啊女唔想喊
有冇試下？可能有啲效果！
3個讚
佢一喊即時分散佢注意力，等佢情緒唔好再down落去，例如佢比較鐘意嘅玩具，圖書。或者呢個時候更加要比佢一個擁抱，令佢知道媽媽會陪佢，吾需要喊。
我同意係attention seaking
因為同過佢老師傾，學校係無問題的，好合作會守規矩
Um……唔知算唔算多
但我已經盡了我最大能力同佢獨處（開刀生完妹妹十二朝，我都忍住傷口痛拎把傘督督下咁行十分鐘送佢返學）
因為始終仲有個妹妹，好難有好多獨處時間（ftm無長老無姐姐）
星期六日一有時間，我就會單獨帶佢出去食個lunch行下
甚至平日夜晚我去超級市場，都會帶埋佢去
多謝你理解佢，佢做家姐真係做得好好，好錫個妹
叫爸爸試下先
我只係試過佢大叫，我又學佢大叫，然後問佢鍾唔鍾意，佢話唔鍾意，所以我煩惱在佢知道喊/尖叫的行為係唔正確的，但當刻佢控制唔到，總之喊左先
1個讚
咁唔需要擔心，好多呢啲年紀都會
喺學校佢又唔會喊喎🤷
老師仲話佢好合作同守規矩
家有兩個都係咁（其實我懷疑好多小朋友都係咁，唔知會唔會引到育兒專家出現
），
佢哋做唔到發脾氣我會同佢講「繼續啦，我諗發脾氣會做到。」跟住就會繼續試或者叫我幫手。
喊我會俾佢喊，但唔好喺我面前大喊，行去一、二邊喊完先好搵我話我知咩事。
尖叫無計傾，一定喺去naughty corner 冷靜（我好無耐性，我都要冷靜，總之唔好喺我面前失控）
你有一個咁乖嘅女，好幸福。
現實中要分時間畀佢可能有難度，但都要盡量唧時間畀佢。
佢只係想媽媽唔好唔記得佢嘅存在。
媽媽辛苦你啦 
我得一個，郁d就喊。
你地講得出嘅方法我都努力用過，
佢夜晚唔肯訓話悶都可以喊半個鐘，
係日日都喊。
你唯一可以做就係控制自己心情，
唔好俾佢影響到你。
因為佢一喊，我就好忟憎。
要提自己撇除成日喊，佢其實好乖。