我第一胎
第六週開始冇胃口，作嘔。
第七週持續，仲真係嘔左兩次。
第八週就所有唔舒服都冇曬。
有冇人可以分享下咁正唔正常？
因為第七週先照到心跳，跟住醫生叫我一個月後先覆診（姐係第十一週）。
宜家第九週炸，唔單止冇唔舒服，仲有好胃口，又唔累，夜訓都好精神，仲有兩個星期先見到BB，好驚好擔心，唔知點捱到兩星期。
但係又冇出過血，唔知提唔提早覆診好？
放鬆啲，正常咁食嘢，當然生冷嘢唔好食。
害喜呢啲嘢個個唔同，我有朋友成個懷孕期乜事都無，無唔舒服無嘔；而我就由第5週嘔到差唔多第20週；我亦都聽過有人嘔到生。
1個讚
我第二胎都有同你一樣的感受呀
去到10wk無啦啦無曬害喜症狀
個人勁擔心勁驚，做咩都提唔起勁
頹左3日，我老公都忍不住叫我提早覆診
結果…………當然係自己嚇自己啦
在初孕階段，媽媽會有好多莫名的擔心
如果真係好擔心的，提早覆診等自己安心下啦
1個讚
個人覺得開頭未穩定最好兩個星期照一次，到三個月先一個月照一次比較好
1個讚
放鬆放鬆，冇事架
唔好搞到自己太緊張，會影響bb架
如果太擔心就去照啦，起碼個心定d
黎緊仲有八個月，辛苦媽媽喇，要加油呀
1個讚
我會提早覆診，無謂令自己擔心咁多
我第一次懷孕9週走左
到第二次懷孕，醫生都比較緊張，叫我2星期返去檢查一次，夠三個月先轉1個月檢查一次
1個讚
多謝你哋呀，聽日會book覆診架啦。
不過工作關係，都要星期六先得閒睇。
希望真係自己嚇自己啦 
1個讚
唔洗擔心，我5-9週冇胃口，第10週起正常返晒，完全唔覺得自己係大緊肚
我都試過啲症狀突然冇哂，但之後檢查又冇事，希望你都冇事啦
覆左診啦，一切正常。
真係自己嚇自己。
好彩去左覆診，宜家成個人鬆晒。
多謝大家嘅意見 
5個讚
放心晒 
明天踏入第六週，呢2日終於嘔到…
幾時先到終點
我嘔到16週
加油呀