我記得我細個成班同學去宿營時好怕啲同學開成枱零食食，少少好正常，但啲男仔係全晚只食零食又飲可樂，正餐就完全唔掂，我見到都驚
相比起相愛，我更著重相處，我覺得愛係有止境，幾相愛但我相處唔到都會發癲
我一定唔會容許老公咁肆意買零食，好好坐低商量下，幾箱幾箱咁買誇張得滯，你老公若干年後身體一定出晒問題，好彩你意識高一結婚就覺得係大問題，好老婆一個
但佢最近body check冇問題…所以未識驚 
因為我同佢shared同一個網購account, 而家一見佢買, 我就會話佢…
但當然因而家仲有好多存貨, 佢就冇買住, 只係買餅乾, 買餅乾我就冇理佢, 始終有時下午茶呀之類肚餓都會想食下, 好正常.
我都怕佢D存貨食晒飲晒之後又再買過, 到時我一定會出聲…
我都覺得係咁⋯⋯
我娘家少油少鹽，我自己煮飯都已經冇娘家咁健康，但老公都一定會落豉油去自己個碗，我覺得佢條脷已經好似七八十歲嘅老人家咁冇左味覺。
好搞笑佢話自己肥左，以前S碼衣加L碼，想食少啲飯減下肥，但因為食唔飽就搵氣水朱古力薯片填肚⋯⋯本末倒置？
話做運動減，淨係做左2次⋯⋯
唔飲水，飲紙包飲品，啲尿勁深色。
最慘係佢冇病冇痛，身體仲好過我呢啲養生人士，點叫佢改？佢話如果要戒薯片先減到肥，就寧願肥喎。
Btw，我都唔buy湯水。
咁佢有冇body check. 有時表面好似冇病冇痛, 其實可以係高膽固醇脂肪肝etc etc
我反而係娘家鹹過夫家，到我開始煮飯時就刻意落少啲調味
其實兩個人一齊住，D生活習慣自自然然會變成一樣，我都因為老公早瞓變得早瞓咗，佢唔食零食我自己一個食都好無癮
我老公生活習慣同飲食都好唔健康，咁我當然想佢好，但又冇可能迫佢同攪到自己咁燥同大家有壓力㗎。
佢都唔主動飲水，我咪朝早倒俾佢同佢一齊飲，慢慢飲飲下就會慣，都要好長時間適應嘅。
飲食就慢慢step by step啦，咁每個人都會有cheat day/treat day咪當放鬆下。
我自己以前俾人叫health freak好緊張飲食，成日睇書。但都要平衡心理。
同佢一齊咁多年，大家慢慢調節，佢而家會主動食菜。今日同佢去Bakery 我話Christmas Truffle 好靚好想食，佢話呢幾日食咗甜品，今日唔好食。
好大進步啦
2個讚
諗法正確，不過就要用D迂迴既方法令佢慢慢慣。
生命影響生命
佢根本係我大仔，係要令佢自己改變
身教 
1個讚
你知啲青春期少年，話佢唔聽㗎
等佢想飲先煲
我明
但你老公既習慣唔係話講兩句就改到
你斟埋俾佢都唔飲，我諗佢係無動力去改變，講左當做左
如果成日提住佢咪只會覺得煩
不如認真同佢傾一次
點樣慢慢改變個習慣
其實無佢配合，你係做幾多都無用
我老公都係唔飲水，lemon tea 果啲我叫佢一比一溝稀一倍先飲，佢又肯喎
總之係有味就得
仲可以考慮飲有氣梳打水，有部機可以幫啲飲品加汽，不過好貴
見過一幅圖
“所有感情問題，一律建議分手”
我諗佢搞吓gag姐
結婚係人生嘅重要決定，咁輕易就話離婚嘅真係唔結好過結。
我老公都好鐘意飲可樂，之後買咗啲有氣梳打水佢飲或者焗有味嘅茶包(花茶，綠茶，紅茶加塊檸檬之類)。總之就係有味得嚟比較健康啲嘅嘢飲，同埋預咗要我整，佢先肯飲。唔整嘅，佢地寧願直接拎1包/罐飲唔使煩的。
而家冇買可樂，檸檬茶咁滯。(屋企長期有1pack, for朋友上嚟有嘢飲吓，而家冇人上嚟就仲係果pack未開)
1個讚
好多人講野係唔客觀，只講對自己好既野。你老公好明顯係本身都唔鐘意食住家飯，但又賣慘。 佢家人應該有煮，但見到咁，慢慢都唔想煮，樓主現在步返佢家人既後塵，你都會慢慢唔想煮，因為你先生無真正欣賞過你。我c6都係鐘意食街外野，不過佢老實講，所以我都唔會點煮，只要大家同步，就無咁多磨擦。
2個讚
佢肥唔肥呀？有冇驗身？三高問題？我老公係疫情期間減左廿磅，其中一樣係我不時播youtube健康資訊洗腦，rthk, now tv節目，先減醣，食少啲，買埋體脂磅，佢日日磅。佢依家係有意識地食少啲。