捉佢去body check 下先啦
未睇原文, 但首先可唔可以唔好用C6呢個大媽亡國既字眼。
我成日唔明點解要咁稱呼自己老公
2個讚
多謝你分享, 我而家都會放鬆D.
明白, 多謝你.
只係方便打字姐, 實際上梗係唔會咁稱呼老公 
1個讚
其實每個人都多多少少有啲唔一樣既生活習慣
雖然佢係我另一半，但我對佢既生活習慣同飲食都唔會太干涉
因為我係佢老婆，唔係佢阿媽，無乜必要管佢
但如果佢太唔健康，跟手尾係個老婆而唔係個阿媽喎
1個讚
我就同老公講明：頭家我管，廚房煮食我做晒(我係買煮使執入貨全部我做，我老公只係入廚房斟水)我煮乜你要食乜，煮得唔好我會改善。出街自己食我管唔到佢，一齊食我會哦佢
佢四十幾歲，如果有乜病痛咪又係兩公婆嘅錢一齊醫？你估保險 cover得晒？有大wok 嘢連層樓都要按埋，又要照顧佢
我就唔信係牽連佢阿媽多過個老婆喇，到時仲分分鐘被奶奶怨冇好好照顧佢個仔
我同佢講：結婚有責任互相照顧對方，你啲生活習慣唔改下我要食晒？佢病佢死即係冇能力照顧老婆啦，點可以話老婆可以由得佢？
因為我出軟功然後嚟硬碰，我老公好受，仲有佢啲同齡朋友日日茶餐廳食飯又唔鍾意食住家飯全部四十頭身體有問題，佢自己都開始驚
男人要有比較先身在福中知福
另外，廣東人嘅湯水係跟季節氣候調節身體機能，適當飲而唔經常老火(對骨唔好)，絕對係健康
內裡大有智慧，大家研究下先好話飲湯唔健康
2個讚
唔使應佢，某啲人把口出名衰
1個讚
咁搞笑
做左本分咪得，佢到咁上下年紀身體出現問題之後就會知驚，你唔使咁勞氣，放鬆啲啦！
樓主，講得岩呀。
唔改變佢就只有改變自己既心態同行為。
飲品方面，屋企唔好大量入貨，入既貨就以無味sparking/soda/無糖茶依類o係健康同唔健康之間既野為先，之後先係有糖茶，跟住檸檬茶/菊花茶/維啦奶，排最尾係汽水，咁雪櫃又爆左但佢可以揀既野就相對地無咁多糖份。
樓主都要做好research，就算係檸檬茶/菊花茶/維啦奶都有唔同牌子，糖含量唔同，study下邊隻比較低糖。 另外唔好盲信『低糖』既產品，因為代糖/甜味劑果d化學合成甜仲衰，上網好多文都講，即係紅罐可樂比zero『健康』 
樓主都會下廚，可以上網搵d食譜煲下d 咩紅豆水呀，薏米水呀之類有糖但自家製既野黎俾佢當水飲，
好多人都覺得水無味所以唔鐘意飲，o係個冷水瓶放一角檸檬咁d水就會有淡淡既檸檬味。
另外就係留意下屋企煲出黎d水係唔係有異味，有d人對水既味道好敏感(我自己就係，餐廳果杯水一定飲唔到，唔係泥味就鐵銹味)，如果有異味就試下用濾水器/濾水機隔下。
其實我老公都係同你老公咁上下麻煩既人，99一向都縱佢，而佢本身又硬頸，正宗受軟唔受硬。依家我都係潛移默化佢嫁咋。
唔會主動哦佢/話佢，而係用『我地』『一齊』依d句子，『今晚一齊早d訓』『開包nuts一齊食丫』『我地唔好買咁多薯片喇』『轉天氣，我地要飲下湯水潤下』
等佢覺得你都係企o係佢果邊，而唔係娶左個coach返黎同佢life coaching。
之前weekday食飽晚飯都會食一包大薯片，慢慢我weekday佢俾我都唔食，整整下佢就食半包就停，之後到weekend我先會陪佢食，同埋去supermarket佢揀薯片時我都會話『留返星期六/日一齊食丫』，久而久之d junk food就淨係o係weekend食。
我地係同6299住，99係個唔停口既人，我有講過一次『就算零食都好都跟住餐飯一齊食，唔好食完無幾耐又搵野食，因為咁樣就會增加左食落肚既份量』而我自己都係咁做，佢對住我依一年，依家佢地都係有咩食就一次過食，食夠個量就停。
唔好意思，咁長篇添。
1個讚
睇到你個回應先留意到原來係果個名人 
係呀，99好鐘意咁講。近來我講『遺傳囉，唔知似你定似62呢』99就無聲出。
多謝你打咁多字去比意見我呀。
入貨方面, 其實D零食飲品全部都係佢自己買…佢會網購一箱箱咁買(真係一箱24包咁!!!)…唔係我買所以我都控制唔到。正因為佢買得太多太誇張, 我先覺得有問題。我唔係話食少少都出聲果D, 係佢飲品一次買幾箱, 零食又每款5包5包咁買, 一次買幾款!! 佢D朋友黎屋企玩見到都話佢誇張…
佢有講過因為以前6299屋企D水係有味所以佢慣左唔飲水…但而家結婚搬左出黎D水係冇味架…我都諗過好似你咁建議, 加D野整有味水, 不過我驚又變左吃力不討好… 
其他例如話用"我地/一齊"呢D句子, 我會試下, 多謝你呀.
係, 我而家都學習緊放鬆。多謝你.
樓主個老公真係好誇張，我冇見過男人會主動買咁大量零食
我同我老公一齊行阿信屋/誠哥/Donki，買飲品係兩罐就停，零食只買餅乾曲奇(我比較鍾意食，送茶好開心)，薯片一包
我份人最煩係少飲水同鍾意食醃製食物，我已經搞掂咗佢；零食就唔需要擔心，佢冇乜興趣
我都明白, 一方面我知道個道理, 我亦唔係想管佢,
只係有時又會諗, 兩個人一齊, 如果大家都係依住自己個方法生活, 咁又係好咩? 咪好似夾租咁? 
好似其實我老公係有小小潔癖…佢都會成日話住我, 去完街返到黎, 要搵消毒噴個袋呀, 噴呢度噴果度之類…咁呢D都唔係我既習慣黎, 但佢要我咁做, 我都會聽…我唔會呢頭佢幫我噴完, 果頭我又刻意整污糟佢…
但佢係會我呢頭針杯水比佢, 佢就話等陣先飲, 然後去雪櫃拎檸檬茶… 
係呀, 如果係小小地, 老實講我都好鐘意食! 我都會間中買一兩包薯片過下癮, 我都係普通人。
但佢真係買到太誇張, 又或者係網購太方便, 禁幾下就送到屋企…同埋成日話咁樣買好平, 計返可能2蚊一包…大佬呀…幾平都唔係咁買啦! 我而家屋企仲有幾箱存貨 雪櫃有一層直頭比佢放飲品, 清晒佢再係存貨果度放去雪櫃, 個個上黎我屋企見到果幾箱野, 都問我地咩事 
咁岩既，我果個又係咁，行出去走廊倒垃圾都要我噴身
慢慢試唔同方法，新婚就保持新婚既甜蜜啦。
搵晚醒個junkfood dinner俾佢，開包裝倒落碗碟度，自己就食好西，求同存異。
1個讚
苦口婆心無用，佢見棺材自然會流眼淚<<<
岩呀岩呀, 捉佢去驗一次身, 等佢見到D指數係紅字佢就識驚!
我老公都係咁, 驗完有脂肪肝即刻食小好多零食同多左做運動, 仲叫我整多D健康野佢食!