25w4d時試過一次流啡住左一晚院，醫生話搵唔到原因
過左幾日26w1d又流啡再入院檢查，醫生話我有輕微子宮頸外翻，係懷孕期荷爾蒙影響所致，唔排除係出血原因，不過由於醫生冇見到實際出血位置，所以都係唔可以確定出血原因，其中醫生有表示擔心有早產問題
岩岩26w5d又有流啡現象，請問有冇其他媽媽/準媽媽試過懷孕中期流啡，可以分享下當時情況嗎？你地係點處理呢？我係咪應該睇多個醫生呢？謝謝
睇多個醫生好啲嘅
我又係26周時流啡入院，公立醫院照完話bb冇事，又搵唔到原因。我出院後去咗仁安張耀昌，佢超級細心，檢查咗好多嘢，佢照到我胎盤有小小積血，估計有裂痕，但唔嚴重。又幫我清理宮頸血塊，之後就冇再流血。BB順利三十八周出世。
5個幾月流啡流左一日，嗰陣疫情嚴重就冇睇醫生，因為岩岩早幾日先做完結構，又feel到胎動正常，睇醫生都應該只會叫我自己番屋企觀察⋯⋯同埋心諗如果做哂T21同結構正常，bb都係要離開我都冇辦法。
囡囡最後岩岩好40週出世。
流啡有好多原因嘅，如果擔心最好搵個有經驗嘅私家婦產科醫生做詳細檢查？
如果你之前係睇政府，一定要搵私家睇多次
平時盡量訓多啲行少啲，安吓胎先
我10周同27周都有粉紅過色分泌物入過公院
10周急症入防搵唔到原因，觀察一晚後出院
27周睇咗私家 醫生懷疑係陰道炎 拎咗分泌物做化驗，但我有肚硬，私家叫我入院check, 係公院產房醫生見到子宮頸有息肉，夾咗到宜家38周, touchwood無再有。
醫生話有機會一直都係粒子宮頸息肉作怪。
我都試過25周流啡，住左3晚醫院，冇再流啡醫生先俾我出院。醫生做哂檢查都係搵唔到原因。我就請左一星個星期假，喺屋企訓多d床休息。之後試過又流少少啡，再去急症室睇醫生。好好彩最後bb足月39周出世。
總之keep住多d休息，一有流啡就去睇醫生，唔好太擔心
我18週到依家24週都係斷斷續續流啡同有血絲，睇過急症同2個私家醫生，驗埋分泌物都搵唔到原因，依家睇左中醫安胎幾日暫時仲有啡
會唔會試下去急症室睇？ 政府好緊張孕婦流啡， 會做好多詳細檢查
不過最緊要都係多啲休息
我嗰時佗住阿女23週幾，肚痛流少量啡，入廣華，住左1晚，醫生話可能係嚟左咁多年嘅月經清唔晒，而積存係子宮裡面，所以才會係懷孕期間流點啡，醫院都話搵唔到其他原因。 之後我都有睇私家產科醫生，佢都話照唔到有問題， b女平安係39週出世， 6磅3， 健健康康。