我仔就嚟20m, 10m已經識叫媽媽, 但之後無再講其他字/詞, 而家直情連媽媽都唔講, 不斷BB話, 但佢聆聽同理解能力完全無問題, 指令都做得晒, 亦唔似自閉(佢有同其他小朋友互動), 已經日日同佢講嘢, 教佢口形, 但佢就係唔開口跟住講, 可以點幫佢?
最近in咗兩間PN, 一間failed, 一間waiting, 從其他媽媽口中得知佢地收晒D識講嘢嘅先, 內心都有少少唔開心…
咩場合會咁？係屋企都係咁？
任何場合都唔講嘢, 包括屋企
咁佢有要求會點表達
我仔細個果陣、我會扮唔知佢想點、一定要佢講出嚟
例如明知佢想飲水、唔會直接問你係咪想飲水呀、然後等佢點頭。而係扮唔明佢想點、等佢表達、佢講唔到發脾氣等佢發完再慢慢表逹。
2個讚
佢表達好清晰的, 點頭/擰頭都OK, 例如佢想飲水, 但無水, 會拎個水杯, 再拉我去水壺旁邊, 指住個杯表示無水, 或者佢想拎某一樣嘢, 但果樣物品不在原位, 會拉我地去果到, 然後攤開對手話唔見咗.
我都有試過你呢個方法, 但佢只係不停發脾氣, 始終都唔肯講
好明白你的感受，我仔當年都係咁，兩歲幾都唔係好講嘢，考幼稚園時只係掛住玩唔理老師，幼兒班老師更叫我去做評估，個陣時真係好 down，但到咗三歲就開始講嘢，跟住就想佢收聲都唔得 
樓主如果太擔心，可以問下健康院姑娘，睇下佢地有乜意見 
其實有部分小朋友3歲先識講嘢,有啲仲係資優添…
只係你了解佢唔係智力問題,咁應該冇咩事
當然你擔心最好搵專業人士睇睇
試下開 youtube bb 歌,有英文有數字,比佢聽,可能有興趣學 
當年我仔都係、我會繼續扮唔明
發幾次脾氣、當佢發現講左水你係會比佢、
佢就會講。
1個讚
佢都係話2歲再返去, 如果仲未識講就安排見醫生, 我自己都諗住如果到時未識, 就搵私人評估做咗先
佢智力就應該無問題, 學嘢都快, 理解能力不錯, 而家等2歲再返健康院, 如果到時都未識講, 我諗住帶佢做私人評估
佢好鍾意數字, 日日叫我讀比佢聽, 但我叫佢一齊讀, 佢又唔肯讀 
1個讚
咁我再堅持下, 佢真係發晒脾氣好嬲咁 
我個都會日日拎d書黎比我叫我讀，但係又唔講。
我果個就黎18個月。可能我都要開始迫下佢講，
我仔都係咁, 日日叫我讀, 書嘅內容佢都認得, 就係唔開口…
電子學習雖然唔係一個好方法!但佢有興趣,你就試開 youtube 打數字歌!佢一聽到或者望到公仔,又得意,又跟住唱,做下動作!好快佢都識唱,你又無咁辛苦成日陪讀
加油,媽媽! 
1個讚
有時小朋友「開金口」講嘢都好講「契機」，好似我嗰個咁，18個月都仲講疊字、BB話。
一次家庭旅行，啲親戚同佢玩咗成個星期，自此就講勁多嘢，而家3歲基本上係講到收唔到聲。
希望佢早日開金口
我仔下個月2歲都未識講野，淨係講bb話
不過佢哥哥都係要3歲讀K1先開始講
男仔一般係耐啲架
都未夠2歲 就算係去健康院
都係叫你等矩自己講
我仔兩歲時做檢查都係咩都吾講
但認知完全無問題
姑娘話多啲同bb講下周圍事物
形容得仔細啲 言語係要累積
到儲夠個時就會開口
我仔而家3歲 不停叫媽媽 不停講
叫矩收聲都難
考pn係頭痛啲 有時係急吾黎
1個讚