我BB歲半未夠，已經令我日日都好想大巴大巴車埋去。我想知係佢特別曳定係個個BB都係咁。大家講下你地既BB有幾曳？
我先。
-
食飯用羹/叉食食下變左用手食，食到成身都係（食豆腐花都用手）。咬唔到就lur出黎用手周圍掉。一話佢唔中意就反碟，D野食飛晒落地，亂掉羹/叉，尖叫。
-
夜晚係BB床瞓醒左想上大人床瞓，唔比佢上就周圍掉咀咀，勁大力用腳dum張床仔，好似恐龍咁尖叫。
-
成日玩電制（開關果粒制）,叫佢行開當然唔肯，大聲鬧都當聽唔到。
總之有乜唔高興就恐龍式尖叫。真係好想車佢幾巴 。
1個讚
我嗰個都係大約歲半前咁樣
一歲七個月之後好大進步，有時都會又餐具又手，但企理好多
轉捩點係有一次我唔望住佢，唔篤住佢食，（因為心很累所以自己睇電話，其實係不良示範），但當我五分鐘後望返佢，佢居然自己默默食完一碗仔白飯，仲要枱面好乾淨。呢件事大約係歲半到發生，之後都反反覆覆，但再一個月後明顯好咗。
我諗樓主或者可以試下blw，睇嚟你小朋友對食嘢好有主見呀。
同我仔一樣
我成日唔知佢係正常曳定係特別曳，擔心自己教得唔好。
希望佢會好似你個小朋友咁盡快學識食得乾淨。佢太有主見，有主見到飯碗係枱，隻菜碟就唔可以係枱，食度咁上下飲水就要拎走晒所有碗碟先飲得，飲完先可以擺返一隻碟上枱 
佢食飯15-20分中食晒。但係唔咬就咁吞，一係個口未食完又係咁塞入去塞到嘔。講又唔識聽。 
好正常
探索階段係咁
想同你瞓係安全感問題
了解下bb需要
1個讚
大部分都正常，掉食物同用手食嘢都係因為探索期。未識講嘢多數都係尖叫同喊，夠恨心無視佢1-2個鐘，要佢明白尖叫同喊係係唔可以控制到你，當然要望住佢知道佢安全，教小朋友真係越細教好，加油
都唔係曳，正常bb階段啫
1個讚
呢啲係自主需要,亦係正常階段
我地大人當然會覺得污糟同煩
但係佢係唔會覺架
俾多啲耐性同關心,唔好當佢係曳,而係當佢係一個小小科學家,試探緊拋物線
你溫柔地俾佢滿足到好奇心,將來佢一定會錫返你
有個出名科學家細個真係炸咗自己間屋架,但媽媽都唔會話佢曳,繼續鼓勵佢做實驗,結果咪真係成就咗一個科學家出嚟
我明有時真係好忟憎,但為咗BB忍吓啦
2個讚
識用羹/叉食已經好叻啦, 我個囡都係就嚟歲半
我返工時6299堅持要餵, 係晚餐我返去先可以比佢用手食,
近排阿囡自主要學用匙羹, 當然搞到成地都係啦
或者食食下就張啲野食擺哂上枱, 又FING哂落地
唔想佢成身都係, 就著件連衫袖嘅圍兜啦
尖叫果時你試下逐樣問下佢想點吖
我囡如果講中咗佢想要嘅嘢會即刻變樣架
我嗰個多到數唔曬，我一下次load唔返添
其中一件事，丟音響喇叭落哋。
仲有成個幼稚園時期都唔會坐喺坐位，走嚟走去，上堂偷偷食零食…
不過佢都已升中，好乖好自律喇
2個讚
睇你嘅描述, bb 真係唔係特別曳, 算正常.
用你第3件事做例子, 如果用bb 角度睇, 會係咁: 我今日見到一樣新嘅野, 好得意, 可以啪下啪下又細又有光. 不過媽媽好似唔中意我玩, 咁我下次再試過玩先.
希望你唔好介意, 絕對無讓你難受嘅意思… 如果可以試下從小朋友角度睇, 再深呼吸幾下, 可能你地關係會輕鬆啲. 有好奇心係值得欣賞嘅好事黎架
呢個年紀未識講野, 但又有說話同情緒想表達, 好難避免尖叫… 尖叫多數都有原因, 或者試下引導下佢想要啲咩, 例如, 哦, 你想要呢樣野? 唔夠高攞到, 好啦, 媽媽幫下你先
我都係新手媽媽第一個小朋友, 都係啱啱18個月, 有時都會覺得氣餒, 會懷疑自己係咩做得唔好… 不過我地都只能夠邊學邊做. 大家一齊加油!
5個讚
認同，我覺得最難受係其他人嘅批評同指指點點，話自己唔識教
1個讚
我覺得係正常呀！我嗰個都會指定匙羹容器擺位，有時突然唔啱心水又會調來調去（即係玩 
）我有一輪又係唔理佢比佢玩到夠（又係因為心很累，所以我make sure 佢安全就算，抹嘢嗰啲最後一次過），點知佢玩玩下玩咗個零星期左右，好似突然開竅發現食嘢係用來醫飽個肚，就食得乖啲啲。嗰兩個禮拜我係齋睇住佢，玩嗰陣就唔比反應，佢真係食就讚佢。
樓主屋企情況容唔容許比佢亂玩玩到夠，最後先一次過抹？咁樣老母自己都會冇咁辛苦
諗起自己以前阿媽教我做嘢（例如洗碗），我都硬係要用自己方法試下，明明阿媽個方法簡單又快，但自己就係都要整古做怪搵啲奇怪方法奇怪工具嚟做，我一諗到自己細個係咁，就諗通其實小朋友有時係明點做，之不過係想玩下乜都試下。
你小朋友識唔識咬呢個動作？唔識嘅話可以慢動作誇張示範比佢睇，等佢覺得好玩又會試埋一份。
塞到成隻倉鼠咁嘔返出嚟都會ga！佢多唔多係咁？我嗰個又係遲下試咗幾次知道辛苦就唔再試。不過就要mon 住佢，怕噎親危險。
我都係新手咋，heehee 有嘢講得唔好大家多多指教
1個讚
我果個15m仲未到歳半, 已經頂佢唔順。要佢做一D唔想做ge野(e.g擦牙,戴口罩)就激烈反抗。你幾有耐性叫佢幾耐, 佢大喊大叫足幾耐。但係明明D野佢平時都肯, 只係果一刻冇心情唔想做, 就會反抗到底。
都知道BB開始有喜好, 有主見,但係咁樣見得多真係心很累。一諗起仲有trouble 2來緊就想死 
BB成長左, 爸爸媽媽都跟住要一齊學。我而家淨係學忍佢大叫都仲有排學 
我BB有段時間都會掉飯, 食飯果陣亂到九彩。不過慢慢佢就做少左, 有時嘔一排血就會發現佢比一兩個月之前進步左好多。我果陣見佢掉飯, 試過俾另一個碗佢, 叫佢唔想食可以放入個碗度, 都work ge(因為佢好鐘意將d野拎來拎去)。
同埋佢一開始掉/ 玩就收起成兜飯, 問佢係掉/玩飯係咪即係飽, 如果佢想拎返d飯, 通常會乖乖繼續食,如果完全冇興趣就可以收工執枱。
如果真係好頂唔順, 我會適當地發下脾氣, 鬧下佢。一來自己會輕鬆d, 二來都要俾BB知我會嬲會唔鐘意 
媽媽都係人來架仔 
我女歲半，一樣咁曳，放心
食食下用手已經係基本（但又唔俾人餵）
日日擒high chair擒梳化，跌個一仆一碌喊完再擒過
打開櫃桶將啲衫摷出嚟再揚
睇少一眼就入左廁所玩水
根據我大女的經驗，曳野會陸續有來，所以唔使咁擔心
見到你地話正常我都放心d。佢最近多左個妹，佢呢d行為又係個妹出世之後 “惡化“，所以我又擔心會唔會比唔夠attention佢湊得佢唔好。
佢唔肯著扯返落黎。。。
我果個成日“lai“電視 
明白既，謝謝你既意見，但有時仲有個初生一齊真係會神經錯亂。
有時見佢唔係好笑，我更加會怪責自己。但係可能係我自己諗得太多。
其實我一直都係咁，只係每次望住佢掉同吞我心入面就好炆，我唔會話佢，亦都無表情咁望住佢，但係心入面係咁忍住同勁扯火。我諗我都好似你咁唔望佢由佢自己食算 
真係每一日都好很累 
好擔心 到佢再多d曳野果時可能我個細既都差唔開始曳
3個讚
多謝大家比既意見，見到原來大家既bb都咁 “曳“，我都安樂d 
最驚佢以為多左個妹妹就以為我唔理佢，驚佢有d咩心理問題。
大家都要加油！
正常做咗哥哥姐姐後都會倒退架,學名叫regression
意思係扮BB,本來識做嘅嘢會變得唔識,其實都係想引你注意,唔好淨係顧住個細
呢啲時候更加要小心處理,你惡佢佢愈regress,同埋會埋下好多呷醋嘅種子
反而要呵佢多啲,話佢知妹妹唔係嚟同你爭媽媽,但多個人錫你
媽媽超錫你,但冇人錫妹妹喎,你可以可以幫手錫佢呀
BB覺得得到足夠媽媽嘅愛,自然就會分俾細嗰個
但如果佢覺得唔夠,就會成日爭
1個讚
生之前我都做過好多research，我都知有d咁既野。
佢成日會玩玩下自己走去錫bb。我地都係以佢為先，bb喊都有得佢喊一陣先，我又日日單獨帶大果個落街行。
touchwood佢隨左我講果d發脾氣之外佢又無乜其他野倒退（定係可能退左我唔覺 
）。但係我都係唔sure所以驚有影響到佢。
咁你已經做得好好啦,俾多啲信心自己! 