Suzuki 鈴木教學法鋼琴及豎琴
比較少人知道或選用的方法, 想一齊分享！
請問Suzuki教學法有咩特色? 同一般教學法有咩唔同?
真的很少人知道Suzuki，我女兒學了五年，十分滿意。
主要學習理念唔同, 傳統著重考試
同埋好似學一種語言咁, 先聽說再讀寫
Suzuki Mom！ 繼續加油！
升level時有一個Annual Graduation Concert要參與，親朋戚友會來聽這個演湊會，是很正式的表演。
第一次聽，睇完wiki 簡介叫做明咗少少background
但係自己領悟能力唔好，想問下：
大意係咪佢嘅學習即係靠浸淫出嚟？
對比起傳統教學模式，教學progress 係點ga？（個人係幾detest 傳統教學方法…）
謝謝
傳統模式以考試為目標。Suzuki method則有自己一套課程，並非常強調聆聽課本CD，家長參與度頗高，逐個Level上。仍會參與傳統考試，一般考3級和5級樂理，再加6級和8級鋼琴試，女兒的老師不建議小朋友考1至5級，而且非常著重演奏的訓練。
都可以話係浸出嚟, 從小培養佢地聽音樂及分析能力, 但當中同時讓小朋友一邊學音樂, 又注重discipline (大家都知日本人好好好有禮貌), 家長參與程度都好緊要
以我認知US Suzuki 同日本Suzuki 會有少少分別, 日本教法會係似 「蒙特梭利教學法」, 有系統的一步一步教授
仲有一樣同傳統教學模式最大分別係, 一開唔會學睇譜
考試就自行決定…我啲學生一般都唔考, just enjoy their musical journey!
1個讚
是的，考試是自行決定，直接和老師溝通便可。太快考試會減低小朋友對音樂的熱誠，這是我選擇Suzuki的原因。
Suzuki老師很有禮貌，給人很高貴的感覺，我想是叫做＂靈氣＂吧，不知道怎去形容
請問有冇推介邊度學好
說真的，在香港完全不知道有Suzuki的存在，那麼好的教學法卻鮮為人知
這個課程是引導學生出於真心地去享受音樂
樓主加油
大部分Suzuki Centre 老師都超級nice, 有愛心係成為Suzuki teacher其中一個條件
你只需要按自己地區及樂器及時間選擇便可
我可以pm 你幾間, 再google search下邊間較合適吧！
我都係被trainer感染, 好想要係香港呢個地方推廣一下
現今小朋友多數為考試
8級或演奏級考完就真係完左咁唔再學唔再彈…好可惜
原來我pm唔到, 要麻煩上Google search…
我想知道老師有咩途徑去學呢個教學法?
我google search揾到嘅都係喺台灣
要成日留意唔同地區嘅專頁
台灣近年都開始普及Suzuki Method. 聽講都唔差, 老師都好積極
香港就未有trainer, 所以只可以去第二度上堂
可以係US (感覺教得冇咁仔細) , 另外亞洲區有thailand (多數for 返自己泰國人),
Indonesia, Philippine (呢兩個地方十分熱情), Singapore 都好似有(未join過)
不過最緊要係跟啱Trainer
但由於COVID19 所以今年Suzuki 活動都取消了…要等啱時間佢地開班依家有啲困難
真係有興趣, 佢地有班我可以通知你 
都想有多啲本地Suzuki 老師!!
好呀, 謝謝您
原來香港冇，睇完你介紹仲好有興趣添
你用靈氣去形容咁特別