就咁，我阿嫲過世前每年都會係新會親戚寄d柑返黎整陳皮，每兩年都會整一兩箱，依家有好多箱係到，真心自已食過世都食唔完，最老果箱係2011年，早幾日帶幾塊16年諗住純粹只係比佢試下，點知依家佢係都想同我買幾斤，因為一直都無出面買過，網上查到既價錢好誇張，唔知信邊個好，打算就算賣都會平番市面八折左右賣比佢，大家知唔知依家香港真實價係幾多？
其實你想知市價好簡單，搵幾間正常海味藥材店，入去同佢講想買X年嘅陳皮問佢點賣，問多幾間你應該心中有數
你同事問得你仲要買咁多應該識d貨嘅，價太高自然會有反應
10個讚
我前幾日經過果欄咁啱見到2011年賣緊88$両
本來諗住買來整炒米茶，但又好似好貴
如果你有時間又順路可以去睇下
因為佢哋都係自己剝柑整，應該同你嗰d係同level
1個讚
一斤十六兩，咁咪成千六蚊斤？原來咁貴架？
好似話如果用新會柑皮會特別貴
1個讚
我諗都係唔賣算喇！貴應該佢唔會要！免傷和氣留番比自已更重要既人食算了
15個讚
一間佢唔知價覺得你貴搵佢笨反而仲煩，小心處理哦。
2個讚
講錢傷感情留黎自用啦，我屋企人都留左好多俾我，我開頭都諗食一世都食唔完，點知坐一次月就清左倉
4個讚
話比佢聽唔賣佢想要送幾隻比佢當人情
2個讚
如果同個同事fd嘅話咪揀幾塊送俾佢囉，不過牽涉錢銀就唔係咁好喇
2個讚
我都覺得係咁
一黎要幾斤就太多…
其實我曾經未帶幾塊返去比佢之前，口爽話兩舊水一斤賣比你算喇！反正屋企大把…可能佢聽到我咁講先要幾斤，依家真係唔知點推好！
咪話阿嫲留低屋企人唔俾賣囉
4個讚
你同事會唔會上BD㗎？
3個讚
拖住佢 佢唔問你唔好提 佢提到就話屋企人話唔賣得 但係可以比dd你
3個讚
我估應該唔上，平時淨係識睇YOUTUBE
今日下午佢先直接打比我(從未試過)，叫我星期二帶番去，我含糊咁話好啦有野整緊！就收左佢線… 
你講過，其實就要賣俾人，無謂為個少少錢破壞自己誠信，講大話就梗加唔想啦。
只賣一斤俾佢可以嗎？
話屋企人唔想賣，因為係長輩留落嚟嘅野
2個讚
同事都係唔好有錢銀瓜葛好
賣平左你蝕，賣貴左佢覺得你搵佢笨
你話屋企人唔想賣就得，始終係已故啊嫲整既唔捨得
4個讚