如題，我行左沙田一田，沙田荷花，大角咀千色店，荔枝角Aeon，同佐敦永安都無乜孖BB車款，請問大家去邊度睇BB車？定係上網買？謝謝！
Aeon，通常去荃灣，九龍灣睇
唔好去荷花啦
好，謝謝你
我有睇呀
，佢之前出過問，買孖B車定分兩架
但是我要預我一打二出街 所以諗住買孖車
你係唔係因為要一個人帶孖B出街所以揀用孖B車？否則唔建議用，因為舊式電梯未必唔夠位入孖B車。我當年無用到，同老公一人推一架係方便D
係呀！預會自己帶兩個
你2個小朋友分別幾大? 我之前上網買咗部2手, 前後用咗唔知有冇3次, 因為太大架, 一個人其實真係好難出入同上落, 除非你會自己楂車出街, 放喺車尾, 咁都容易啲. 但我冇車, 自己一個帶2個小朋友就極少用, 放喺屋企又掗位, 最後喺網上賤賣冇人買, 送俾朋友都被人嫌大架, 後來係送俾工人姐姐嘅朋友先甩到身.
我當時大女3歳, 細女1歳, 出街如果要推車, 都係推單人車加孭帶最方便, 單人車可以單手摺埋, 孭住 BB 都可以打開收埋. 孭到攰, 會叫大女落地行, 放細女落車, 等我可以抖吓.
我係twin 未出世，所以睇定先
陀住2個好勁呀 
你可以考慮吓上網買部 2手試吓先. FB Marketplace 其實都有好多人放. 我之前嗰部叫Joovy Caboose Ultralight. 2手價都係$500-700左右.
好辛苦呀！個肚大得好快，不過一次搞掂！
好提議，我上網睇下先
Chicco 有架上下座位, 可以比較下.
好，謝謝你