已放棄，最後一本睇係情人無淚，我覺得嘛嘛
早期啲書被人笑本本書名都叫xxx的xxxx，好無聊但好笑，係喎，一定係咁叫
1個讚
係咪有本叫3個A cup的女人？ 講個女主角係做人呀二？
佢啲書冇一本睇完覺得鐘意想翻睇、不過果陣興、好多本都有睇。
雪地𥚃的蝸牛奄烈、麵包樹上的女人…最後睇果本好似叫幸福藍默碟、唔知有結局未
Yes，第一本寫做人小三嘅書
最好睇係 Channel A 系列，我老公都追 
呢個系列有睇、但已經唔記得啲內容
自從亦舒唔好睇、就開始睇三毛…
三毛好好睇，真係歷久不衰
我另外都有睇吳淡如
有三步曲，幾好睇。
我鐘意睇佢嘅小說，唔鐘意睇佢散文。
呀，呢個幾深刻，女主角由大學到做記者到出嚟開書店，一直愛個才子，個個才子一次又一次傷佢心，但才子其實係愛佢嘅，只係花心
都幾寫實
我有睇呢本，不過冇睇完。
最記得講32A/34A/36A三個女人，最好身材係36A 
當堂以為張小嫻係男人 
張小嫻初期啲書好睇呀，《麵包樹上的女人》、《荷包裏的單人床》
不過後期啲書唔好睇，江郎才盡了
哎呀我最驚睇愛情小說
以前有睇，即出即買，去到有個系列講吸血鬼就無再睇
佢自己本身都係呀2，而家唔知仲係咪係
N 年前有睇麵包樹上的女人
但而家完全無印象入面講乜
吓，真係估唔到
我反而覺得佢似喎，由佢寫嘅嘢覺得
好多年前週刋錫爆過佢同一個好出名嘅跌打師傅個仔一齊，個男人係有家室
1個讚
麵包樹上的女人系列唔錯，尤其是係第一本，值得翻睇
當年係朋友阿媽睇完推介比個女，然後朋友都覺得好睇再推介比其他人
我好似睇過其他一兩本張小嫻，完全唔記得講乜
係呀，所以佢嬲到cut晒佢喺蘋果寫啲副刊
Oh 原來係咁！呢個真係唔知！
愛情小說第一個接觸係岑凱倫，圖書館有得借，之後係台灣果d拓拔月亮，夙雲之類果d堆言情小說，可以日日租兩本黎睇。
出黎做野買既第一本愛情小說就係張小嫻，咩名唔記得喇，一直都代入唔到佢筆下主角既心態，唔係咁鐘意睇，不過都買過幾本小說散文，記得散文有一篇係講個男仔要跟蹤自己先係愛咁上下，跟住佢既小說就有男主跟蹤女主既橋段。
我真係超級唔認同，自始無再買佢既書。但竟然我老公話鐘意睇佢，所以初初拍拖時我俾晒佢 
btw張小嫻之後轉左睇深雪，佢d奇異風格好正，幾乎佢所有既小說都買左。
最鐘意係『女神門』，故事背景講古埃及，講女仔要夠愛自己先做到女神
睇左2-3本之後放棄左, 本本差唔多風格, 投入唔到