Bb 一出世返健康院照黃時聽到心有雜聲，轉介去醫院證實有先天性心漏
而家2個月大 飲奶愈來愈差 1 個鐘飲90ml 仲要好多時會飲剩，已經跌出生長線
醫生話遲d 要做手術
每次餵佢飲奶都好大壓力
每次諗起佢將要做手術就會喊
究竟點先可以令佢飲多d 奶 重磅d
1個讚
我仔當年出世時是ASD和VSD
當年佢食奶情況都好差，出世頭兩個幾月，每日飲十幾次，每次飲50至70ml,最多只飲到100ml, 還要飲後好慢，感覺每次相距都唔知有無一個鐘。佢唔肯飲，餵佢都辛苦。無得急，我只希望佢就算小食多餐。有時佢飲得太快，試過由鼻噴出來，當時嚇死我，一個人湊住佢，都唔知點算。
如果佢飲得快，都要小心留意，如嘴唇和手指發紫，要即刻去醫院，因有缺氧情況。
3個讚
個霳幾大呀？ 要唔要做手術
醫生想佢重磅d for 佢將來做手術
但係我隔3 個鐘餵佢 佢都係唔肯飲
今日餵了一個鐘 佢先飲左20
不停擰來擰去 不停頂番出來
好困擾 唔知點先可以令佢飲多d 奶
我有好朋友係心漏，衣加廿幾歲，靚靚女女，健健康康，仲係聰明女大學畢業有份好工！
做完手術就會好快康復！媽媽加油
心房心室共有六個窿，最大嗰個在心室，有5mm大，一直要回醫院覆診監察住，醫生當年話唔需要做手術我，希望啲窿隨年紀自動癒合。
BB心個窿窿幾大?在那裡覆診?必需要做手術嗎?
我阿囝當年飲奶都好差，都有段時間每次飲30至40，又成日用脷仔頂返奶咀出來…
但我同自己講"佢慢慢飲都未嘗不是好事，起碼心臟負荷無咁大，因為醫講過吃奶對BB嚟講是一件很吃力嘅事! 小飲多餐。佢唔食，真係逼唔到，返而影響自己的心情。慢慢嚟啦！佢一定健康成長的。
你唔好咁擔心啦！
佢心房個霳有1.2cm 心辮都有缺口
醫生話個霳好大同埋有心衰竭情況要做手術先得，個霳應該唔會自己埋。
我而家向屯門醫院同兒童醫院兩邊都有覆診
好想快d 有期做手術 但同時又好擔心佢做手術
會唔會轉奶粉會中意飲啲？俾佢醒既時間多啲，用多啲能量應該會胃口好啲？
我都唔識唔好介意。
祝福bb快d好返，健康快樂成長
BB重磅與否同佢嘅健康不是一定成正比的。當然，做媽媽嘅緊係希望BB肥肥白白，而手術在即，更希望佢大隻啲，為手術做更好的準備。
我覺得，在手術前，醫生也會多方面評估BB的情況，體重可能只是其中的一小點，還有很多其他因素，而呢啲因素很多是出世前已定下了，即父母遺傳的，同埋在胎兒時媽媽所給予的。
我講咗一大段嘢，都是想講，飲奶多少，體重多少，不要過份憂慮。最重要是BB的抵抗力同，BB瞓多啲, 心情好啲，醒嘅時候同爸爸媽媽玩玩傾傾，一定會健康成長的。媽媽的心情，BB是感受到的，您都要好好保重啊！過份憂心，對事情無幫助㗎！
我當年都因為唔識諗…有產後抑鬱。我會為你和BB打打氣的，加油啊！
1個讚
我仔都有心漏，係VSD，缺口4mm，所以一直到3歲都只需觀察。你小朋友缺口大，一定要做手術。有冇試過換奶樽個奶嘴，有D奶嘴要用力吸，有D容易吸，試吓有冇幫助。絕對明白你嘅擔心，唯有盡量少食多餐，希望夠重可以做手術。媽媽加油