話說有個大阪人朋友，有次去日本探佢
去到日本嘅第一晚我哋一齊食飯，食完飯走嘅時候，我就同佢講：「またね」
大阪人朋友停頓兩秒後，又同返我講：「またね」
然後我又呆左兩秒，跟住就離開
之後我就思考返，大家都對對方嘅「またね」有啲陌生喎
其實我同大阪人講嘅「またね」分別係高低音唔一樣
我：
大阪人：
雖然我冇向日本留學過，不過以往學日文學左5年，每個星期都會同老師講：「また来週」，冇理由錯左咁耐老師都唔糾正我架
會唔會係大阪人有關西口音嘅關係，所以讀音同標準語唔一樣？但係以佢比我嘅反應，佢似係糾正我嘅讀音咁喎
究竟邊個讀音先啱呢
你朋友講既係大阪腔。話說我以前老細同D客係大阪人，佢地好似以為大阪腔係世界語言咁。。。佢亦成日好威威咁同D客講同我地（香港人同事）開會係講大阪腔 
大阪係首都
未聽過有人講大阪音的またね。我有機會幫你問下日本老師。
大阪人同我傾計已經係用標準語，因為聽過佢同お母さん講関西弁，係完全聽唔明
但係覺得佢都唔知自己有時會夾雜埋啲関西弁一齊講，有時聽到ほんまや呢啲簡單嘅，我都知係咩嚟
曾經有兩個大阪出身既明星去澳門玩，佢地係賭場入面不停同D staff講大阪腔
如果你嘅老師唔係關西人or關西讀書，可能都未必知
我學日文果時，試過有同學叫老師教関西弁，個老師都話唔識
不過唔識都正常，就算問一個東京都土生土長嘅日本人，佢都唔會識講関西弁
聽下呢條片最後一句“ほなまたね”
我都花左一段時間先明我前老細D大阪腔，不過都係明唔晒。 
最明就係あかん、アホ、ちゃう 
・
真係またね喎
呢啲成日聽啲攪笑藝人講得多，都知點解
我知好多攪笑藝人都關西出身
アホ而家都多關東人講
佢係關西人呀。