以前坐月個陣，我陪月成日煮牛肉。
隔幾日就煮，可能佢自己鍾意食，次次都係午餐煮，因為有份一齊食。
我問佢牛肉唔係毒，點解成日煮，佢話因為牛肉平過豬肉wo。
我知豬肉貴，但應該唔會貴過牛肉掛？
本身我有少少濕疹，其實好少食。我餵人奶，2個月開始bb都有
而且我開刀個傷口本身醫生已經開到好長，加上肉芽發到好粗，成條蚯蚓咁，仲要成日都好痕，都唔知點算好
樓主生咗幾耐？你試下貼去疤貼啦，遲好過冇，我都遲咗好耐先有心機貼，我貼咗一星期都無，已經淡色咗同收返，但當然仲係慢慢長路啦… 諗飯起我其實都係因為痕同少少痛先走去貼 
貼完就唔痛，不過啲膠紙係有少少痕，可能因為我慳所以貼多過佢建議時間
我嗰陣都唔食得雜，但都有肉芽，所以體質都有影響…
咁你食完啲牛肉，濕疹有冇發返？
我本身唔食牛, 開刀傷口咪一樣長內芽, 痕就搽下cream. 因為我個肚有細個時開刀後留下的傷口, 仲要收口收得好肉酸, 所以無介要過多一個刀疤.
我生左成年喇，一開始用疤痕gel，之後用疤痕貼，但完全冇用呀。
我之前個排有濕疹，呢排又冇乜事
有咩止痕cream介紹？
有肉芽係本身體質嘅問題，有啲人係特別容易喺傷口上生肉芽嘅，我個仔都係，同食唔食牛肉係無關…不過坐月要到後期大補嘅時間先開始食牛肉，頭嗰20日都應該食豬雞魚呢啲為主。有濕疹應該連菇類都要戒，有疤痕嘅話試吓連除疤貼，我年頭同年中遇到意外，都有貼
不如試下轉下第二隻牌子
本身唔食牛.
但又真係冇聽過坐月食牛
其實我一直對「牛肉好毒」呢個講法存疑
我本身係過敏體質，有皮膚過敏、有濕疹、氣管亦敏感之類，發現戒唔戒牛肉都冇大影響，即係——身體情況穩定時，食牛肉都唔會令過敏發作；但過敏發作時，戒牛肉都唔會令過敏症狀舒緩落嚟
之後我開始勸因有濕疹而戒牛肉既朋友試下，叫佢地試下食返牛肉，都發現過敏症狀同牛肉冇必然關係，反而佢地戒左咁多年牛肉都唔見濕疹症狀有舒緩到
濕疹要戒食牛，變左一個都市傳說
我成日都話，濕疹既出現有好多成因，自己要留意一下，人人不一樣，我自己就離不開壓力、乾燥同腸胃問題
肉芽更加唔關事，皮膚會生就會生
當然，未必人人都一樣，但暫時我都唔係好信「牛肉好毒」呢個講法
1個讚
有冇介紹？
係囉，有冇陪月解答下
都係一般搽身既cream 但會搽厚D
用近德國秀碧，屈臣氏時不時做買一送一
希望唔係咁啱就係你用緊同一隻 
用過喇其實出名個幾隻都用過