BB就嚟4個月，成日都好大汗，之前嫲嫲會間中俾少少水佢飲，BB都會飲。
之前同朋友講起佢話BB5個月前唔使飲水，我都有上網睇過文章，話飲太多會影響腎臟功能發育。
想問下各位媽媽係唔係真係一啲水都唔飲得？
餵人奶話，姑娘話唔使俾水BB飲。無聽過飲水會影響個腎。
我知道嘅係0-6個月唔飲水… 但原因又真係唔知添…
世衛建議：0-6個月BB 純母乳餵哺
係，以前老一輩，成日怕阿B唔夠水：人奶怕佢唔夠飽；奶粉怕熱氣；天氣熱流汗；天氣凍又怕皮膚乾燥⋯⋯於是，好多時習慣飲完奶俾BB飲多兩啖水？濕吓個口，覺得飲少少水健康啲。
其實，世衛 建議頭6個月BB「純」 母乳 餵哺 。「純」母乳的意思，是指沒有其他食物和飲料，包括埋水（不過如有需要可添加維他命或礦物質補充劑）。
BB係食奶粉，咁如果開奶沖多左水又有冇問題架？
我正正係咁。
我BB開頭食人奶無俾水佢飲。但係兩個月左右無奶而轉食奶粉，但平時俾清水佢又唔肯飲，所以由細到依家兩歲幾都係每支奶加多一安水落去，即七安粉八安水咁。到歲幾開始跑跑跳跳佢先肯飲清水。
呢個行為有俾姑娘話過咁會唔會食少左奶。但係我心諗，佢一日食差唔多一嘜米架，多過一個中環OL又話你知咩…
唔係灌水…唔會影響腎臟功能…
我仔食奶粉, 有俾少少水佢飲, 到而家1歲佢都飲幾多。
我之前仲諗飲奶粉都係用水沖架，咁咪都係飲左水囉。仲好疑惑
，唔該晒各位解答。