本來諗住請陪月, 不過因為經濟問題, 到最後都係決定唔請喇 
但老公產假得5日, 好擔心到左第6日之後, 自己太粗心大意照顧得呀B唔好, 又怕得自己一個有咩事唔識處理
四大長老都幫唔到？
我同你週數&情況都好類似，最近都擔心自己到時冇能力湊好個b
訂咗月子餐先啦，我都自己坐月咋
我都係一樣，而家32w，第一胎又無長老幫手
訂咗月子餐，唔使煮飯差好遠，可以專心休息+湊b
我b個半月，逢星期日都有一晝得我一個湊，經驗之談真係唔洗煮飯就好好多，湊b不外乎餵奶換片抱住暗瞓覺咁，其實係有能力可以處理晒，但要煮飯就差好遠，就算已經準備好晒，我只係洗米蒸野烚菜都笠笠亂，食完仲要洗
如果埋到身就盡量埋，洗少好多野，又係差好遠，加油丫
陪月唔一定要請足一個月，如果冇信心，不如都請一至兩個星期啦？至少有個人教下你一開頭點做，新手個心都會定好多！而且岩岩生完又攰又會產後短暫嘅抑鬱⋯⋯自己都好易有意外架！
可以試吓係其他開支到cut，例如用多啲二手嘢，環保又慳錢。
我冇經濟問題，不過想粗養個b，好多野我都用二手，包括b車、床、餐椅，拎番黎嘅都係名牌子，呢度都慳左兩皮嘢！搵個有經驗嘅陪月幫你set up下間屋，之後照顧會方便好多。
1個讚
有冇試過打去陪月一站搵新手陪月,因為新手儲經驗都會收平啲,我嗰時兩胎請新手都係萬幾蚊.平過出面搵好多
想問下沖涼個part你點處理? 因為聽人講唔掂得生水，戴手套?
揾屋企人幫手較好，食飯就訂月子餐，至少做少樣
解決咗三餐，全力湊b，都可以應付到
三餐訂月子餐，如果經濟唔容許，搵屋企人煮定/買定，放入雪櫃/冰格，一叮就食
所有家頭細務交比老公
唔洗咁擔心，初生bb都訓得多，真正嘅考驗係由佢訓得少開始 
1個讚
我坐月果時又幫b沖涼，又要洗奶樽洗碗
只有洗碗時有戴手套，都冇咩特別感覺呀
最緊要係你沖完涼要即刻吹乾自己，唔可以凍親
催乳按摩真係唔學唔得, 邊度有得學咁好?
或者到時請鐘點，幫忙打理家務、洗衫煑飯，已經可以輕鬆好多。
至少屋企2餐有人幫手、你唔洗外出。
下一次係幾時? 有興趣
我都無工人，無陪月，又係老公5日假。飯電飯煲預較，早午兩餐，雪櫃放定蒸魚和肉餅，起身蒸幾分鐘有得食，再加幾條菜就一餐。bb沖涼自己沖。想飲湯咪瓜加d魚呀，肉呀咁滾。要煲湯就要等老公返來晚上煲好，第二日又有得飲。最緊要老公肯幫手，辛苦得來係甜蜜的！再唔係，請鐘點買餸和整餸，或者叫月子餐，再唔係叫外賣都得，睇定附近邊間店arm食，問下送唔送外賣，而且多咗好多湯店，買湯都得。自己上網學定點沖涼餵奶，心中知道步驟和姿勢先，唔係到時會心㤺㤺。要對自己有信心，我覺得陪月不是必須品，加油，總有辦法，心態更重要
2個讚
古時，生水係怕有寄生蟲或細菌。現在自來水經處理，把水加熱咗就可以安心使用
揾外判搞掂3餐，BB沖涼洗奶樽等工作，等老公放工返來佢做，new born bb主要食瞓疴，佢瞓時你就瞓，多休息同少掂水，好好坐月。
請問加熱左意思係咪要煲成滾水先算?
好認同，除咗煮嘢食同湊B，陪月未開工之前上嚟我哋屋企check過啲BB野，set好晒個架步，呢樣真係幫咗我哋好多
1個讚