Bb就黎7個月，而家已經食緊粥仔，已經試過菠菜，菜心，蕃茄，南瓜，咁佢仲有咩可以試？日日諗真係頭都大埋
大概幾大先可以食肉？thx
你可以睇返健康院本書仔有建議食譜嘅
蕃薯/蛋黃/豆腐 呢啲都常食
睇下佢食得叻唔叻,個個進度唔同, 無話特定幾大可以食乜嘅
我果個7個幾月已經有比魚肉壓蓉比佢食
我阿女6個月2星期左右大
剛剛試左肉呀
不過係連埋洋蔥加肉嘅傑身米糊
煲好就用打爛做糊糊食
有好多人係煮左肉汁再煲粥咁
睇小朋友食野能力去準備啦
我個女一開始加固冇耐
就好喜歡食傑身嘅糊呀
同埋食傑身野先食得好咁
所以好快就已經食到大半碗當一餐
不過食完肉之後明顯便便會臭左架
紅蘿蔔呢？
我個仔都係食到大半碗，咁你通常隔幾耐先比奶佢飲？
未試過呀，等我試吓先，thx
1個讚
我煲粥有時都會落D肉，不過煲完係自己食番
其實健康院姑娘話6個月已經可以比肉，開頭要攪到肉蓉咁…不過唔知點解上網睇好多人都話要7個月先比得肉
結果我都6個半月就開始比，魚 雞 豬 牛 羊 乜都有試
因為話一餐入面一定要有齊菜 肉 五穀類先可以代一餐奶嘛
仲有西蘭花薯仔（撈埋）都可以一試呀
婆婆照顧嘅
佢一日俾2餐糊糊
每餐大約100-150g糊糊（佢用磅磅）
通常跟手隔1-2小時
再俾5安奶奶佢食
不過一時時食得晒枝奶咋
同埋我位小朋友似乎喜歡食糊多過奶喇
之前最勁食到7安奶
食左糊就冇食咁多奶
我細女都就嚟3歳喇, 講開整粥仔, 突然好懷念當時加固嘅日子 
粥仔可以好多變化架. 你想放肉嘅可以買啲免治肉, 等到啲粥仔滾起, 將啲肉加少少凍水搞均, 先放落粥度煮(一路放一路同啲粥撈均), 咁啲肉就會溶晒喺啲粥度, 唔會一舊舊BB食唔到.
蔬菜類我都好鍾意放粟米(有人話粟米都係易敏感食物, 但我同老公成家人冇食物敏感, 都好早俾 BB 試). 粟米粥我會成條粟米喺每一行𠝹一刀, 然後用鐡匙羮刮啲肉同汁出嚟, 咁啲粟米衣就會留返晒喺個芯到, 將粟米肉同汁, 加埋個粟米芯同米一齊煲, 個粥係勁甜勁好食架! 
粟米芯仲有清熱作用, 對食奶粉BB都好好架