阿b而家77日大，餵左兩個幾月母乳，有好多疑問想請教大家
我b係啜親都半個鐘至少，我相信係因為我窮
第一個月幾乎b不離身！ 啜一個鐘放低轉頭又醒，嗰時真係好崩潰！
之後第二個月我轉左mode, 邊泵邊埋身，再將泵俾b,呢個模式last左一個禮拜就冇再用，因太累；
第二個月阿b增長好好有1.5；
但係第三個月阿b冇增重， 過左20日得0.3kg ，濕片可能就4-5塊
我好想知：
1.我b都密密埋身，點解唔覺我產量多；
2. 如果泵清先再埋身，其實幾耐再上到奶？同埋咩叫泵清？ 泵完唧唔出奶嗎？
好似零晨咁，我早起過佢我就想泵一陣先再餵佢，但一埋身又好耐⋯
，但一埋身又好耐⋯
3. 12.1就要返工，我b仲冇太明顯規律同飲量，暫時我計劃：
唔好意思！ 真係太多疑問
點解會啜半個鐘咁耐既
我發覺bb真係啜既話20分鐘已經好夠！
Bb 由出院開始，3個鐘一次！
如果泵奶我都係跟返3個鐘一次！因為我都係岩岩夠，只不過因為bb 2個半月戒左夜奶，我可以泵出嚟當後備！
唔係好識解答你問題！
但你有冇足夠湯水俾自己？
炒米水都好得！基本上餵奶時期我都冇飲咩水，一係炒米水，一係湯！
有冇訓晏教？我覺得訓多啲，對補充奶量有幫助！
我BB 今天第74天 ,我同你有同樣問題,我唔係富媽
BB戒左夜奶，7am/10am 呢兩轉奶都可令佢食飽訓，但一到1pm 後個人醒哂就不斷馬拉松式餵奶（每次以25mins 以上，好小自己離口），我自己都好攰，又唔知佢究竟飽唔飽。。最近打完兩個月針，仲開始識扭計…唔肯自己訓
我係窮媽，宜家已經無餵
以前我bb都係每邊至少食半個鐘，後尾發覺佢係啜法唔啱，改善咗之後食得快好多，正常係10分鐘食完一邊
年頭時健康院可以見母乳姑娘，宜家肺炎唔知仲有無，佢會睇住你餵，再話你知邊度做得唔啱
未必答到你問題，講返自己經驗，對我嚟講泵清就係由奶柱變滴滴仔，有奶陣嘅時候係會出得快啲多啲，所以好多人泵之前都會引奶陣先泵
以我所知身體係不斷地造奶，如果bb食咗/泵咗，身體就會再造奶，所以成日話埋身得多就越多奶。如果泵清先再埋身，睇bb食量，初生就兩個鐘，大啲就三四個鐘，你自己應該會feel到漲㗎，同埋啲姑娘成日話係要按bb demand，佢想食就要比佢食
希望對你有啲啲幫助啦，加油
咁係咪冇谷奶就冇奶上？ 定其實轉個頭bb啜都有不好慢？
埋身餵咁耐有冇可能係奶睡咗？
唔谷都應該有奶，但係無咁多
我自己幾個鐘會feel到谷，首先會覺得漲，再唔理佢就會漲痛
我初初頭兩個月都好窮, 要補奶粉
我發現係阿囡啜得唔叻
所以後期佢啜叻咗我就做到全埋身了
都係復工前一兩星期咁上下
你試下睇返健康院D咀形睇下佢啱唔啱吖
我就未試過全埋身呀
但分享下番工後泵奶點做好
我果時產假完前2星期做準備
我先問清楚公司可唔可以安排我10:00，2:00各泵一轉
咁佢地話可以，我就完假前2星期試行隔4個鐘泵一轉奶
我6:00起身泵一轉，跟手就公司泵果2轉，放工番到屋企，6:00再泵一轉
跟手我就臨瞓前泵多轉
我唔勤力凌晨起身泵
我都要瞓覺架
我自己產量就大約一個鐘做得1安奶咋
其實泵穩定之後
間中懶一懶5-6個鐘先泵一次
都仲keep到奶量
其實阿女3-4個月就可以全人奶
之前都係1日補1餐奶粉咁
如果覺得唔夠奶
真係試下super bump,我勤力左一星期之後先真係奶量穩定左架
要番工真係冇辦法全埋身
我見你隔一個鐘就泵，好似泵得太密
同埋其實我隔4個鐘泵，冇覺得好谷架
但都泵得出啦
家下阿女6個月加左固
可以開始儲下冰奶
諗住儲夠一個量
又再減泵到隔6個鐘先泵
其實係咁洗泵真心倦呀
其實我啲奶都出得好慢（泵奶時睇到）
我個B每次餵我最少要預40分鐘（兩邊加埋）
母乳顧問睇過，阿B啜得啱而且好夠力
如果佢食之前無瞓到一個半個鐘就食得仲耐（因為中途會不斷瞓著、整醒、又瞓著）試過餵到1.5個鐘都有
每次泵奶都會有奶陣，啱啱開始泵奶時多數得1-2條奶柱，當奶陣出現時，你可以留意下會突然多咗好幾條奶柱約6-8條或以上，大約維持3-5分，之後會變返1-2條奶柱，整個泵奶過程會出現好幾次奶陣，睇時間同奶量因人而異。你上網search下點引奶陣，奶陣次數多就自然多奶，但我個時睇完都唔係引到好多奶陣，盡力而為，泵到幾多就幾多啦，加油
你b戒左夜奶好好呀！ 25分鐘比我好好多⋯ 咁你b係幾耐又埋身一次？我b從來日頭冇好瞓過唉！一離開侷就醒[quote=“Chucolate, post:9, topic:36660”]
我自己產量就大約一個鐘做得1安奶咋
[/quote]
多謝你噤詳細嘅分享
我想問你點知一個鐘產量係一安？
有時都睇埋BB啜奶能力，可能仲細未啜得咁好，如果自己覺得奶量少可以留意下飲水夠唔夠，係要飲超級多，食嘅飲嘅可以再加多d上奶嘢，有時可能唔夠氣都會上唔到奶，飲下d准山黨參，你當身體未夠好無力產奶。
奶陣出個時會個乳頭少少刺痛，如果個泵岩自己可以引到2到3次奶陣，返工無BB係身可以睇多D BB嘅相同片，諗住埋身餵佢就會易引到奶陣。
你喺公司點消毒set嘢啊？同埋你每日拎嚟拎去定長擺公司？
因為我4個鐘泵到4安
有時忙起上嚟
隔6個鐘先泵，就泵到6安
所以我認定自己一個鐘做到1安奶
但因為我未度好點樣6個鐘泵一次奶
所以番工時間就繼續4個鐘泵一次
一來驚泵太疏又做少左奶
始終阿女仲要食奶
咁公司又可以安排到
咪泵下奶
等自己盡下力儲下奶
我買左medela個消毒袋用
咁就微波爐叮一定
我公司微波爐大家都只叮野食
我唔介意有時個爐間中有上一手叮野食嘅送味
咁太大味我就用另一部
或者開門散下陣味
我就日日帶番公司咋
我只坐一程小巴就番到公司
唔洗點迫車又唔洗點行好多路
所以唔覺太大負擔
如果有多個電泵咪放一個係公司啦
但其實電泵又唔太重
同埋做得奶媽應該個個放工都趕番屋企俾奶架喇
所以日日咁帶番公司又唔太大問題
係冇得用細手袋咁囉
一係細手袋再加一袋環保袋裝住泵奶工具
但疫情咁
都係出門口 - 番工 - 放工回家
叮完可以即刻再用唔駛灘乾？
放工用冰袋拎啲奶返屋企？
我放完maternity我個b已經5個月 依家成日loop logistics/schedule應該點同埋諗應唔應付到泵奶 (我承認我係懶媽…) 定transition to奶粉…
叮完倒左水啦
我冇等乾
主要fing 乾插喉那個位置
或用乾紙巾印一印
就直接用
咪似平時用機消毒完仲會濕咁嘅
雖然我部消毒機係有埋風乾嘅
係呀
我用冰袋咁攞奶番屋企
當然冰袋內仲有一舊冰種啦
我都懶架
所以其實我家下一日3-4泵架咋
有時夜晚懶起上黎唔泵就瞓
可能始終加左固
小朋友食少左奶
又儲左1x包冰奶
冇咁緊張追奶
家下完全係泵到就泵
唔會再介意泵到幾多
黎緊凍，我懷疑緊自己仲可唔可以早起泵奶
如果覺得泵奶唔對你做成太大壓力/困擾
先繼續泵下
我原本都諗住餵到6個月大算
泵泵下又慣左
咪試下繼續泵
泵到是但一個自然離乳為止啦
你好勁呀!
我只係餵咗2.5月已經成日諗幾時可以攞返個自主權
我都係餵到阿女加固先咁放得開
阿女2.5個月時我都餵到好迷惘
餵到好神經質
雖然我算睇得開可以補奶粉
但都會好自責唔多奶到夠阿女全人奶
最正當時我老公係咁同我講佢幾個朋友番工都可能餵到成歲幾兩歲架
其實佢原意想鼓勵我
但其實俾左壓力我
我最後泵到好沮喪時
我同老公講佢再咁講我仲大壓力
好在我老公同屋企人好支持我餵人奶
我老公會幫我洗泵呀
我要泵奶就老公同屋企人會幫我睇住阿女
所以每個窮奶媽都經歷過不同的失望及疲累
要同自己講
我已經好叻喇
餵到人奶
仲餵到就黎3個月
唔好鑽入去覺得俾唔奶小朋友食自己好有問題咁
最緊要小朋友身心健康
泵唔到奶咪同小朋友玩多d
愛小朋友有好多方法
盡自己能力俾最多愛小朋友就得