自從幾年前第一次尿道炎，每年起碼都起碼復發2-3次
最慘係每次食抗生素，尿道炎剛好返，念珠菌就立即接力（應該係個酸鹼度平衡被抗生素搞亂）
每次痕+痛個幾月好痛苦
最近呢個月公司忙咗好多，忙到成日唔記得飲水
呢兩日又尿道炎復發
啱啱睇完醫生，都係要食藥
又要準備進入尿道炎+念珠輪迴
真係好想喊啊
之前有食過cranberry丸，但無乜感覺
大家有無試過咩有用嘅方法啊？
平時有無食開益生菌？我都想留名學嘢，久唔久都會發下，好煩
飲紅berry汁呀,我以前日日飲少少,之後無再反發尿道炎~
我係普通超市買,幾十蚊支~
6個讚
介糖
4個讚
之前念珠菌困擾左兩三年，而家Touch wood幾年無返發過
睇西醫塞藥好返無耐又唔會復發，食乜嘢都試過過都無用，最後係自己溝精油搽同洗，竟然係咁好返。同埋經驗一定要戒食甜野同埋生冷野，一食咗就會好大鑊，痕到痴線
1個讚
尿道炎 煲車錢草飲
不過都係唔好比自己大壓力
1個讚
曾經睇過篇野話食雲吞麵都有d原因
泌尿科醫生葉維晉受訪時表示，鹼水麵中的鹼水會刺激尿管及膀胱，引起不適，甚至出現疼痛感，如果遇到類似問題，可以飲用大量的水以減輕不適感覺。
他指出有藥物可以酸化尿管，有助改善相關情況，不過坊間認為鹼水麵加醋食用可以減輕問題的說法就沒有科學根據支持。葉維晉表示，問題在於食物的酸鹼值，建議大家不應一次過食用大量鹼性食物，如多吃也要先飲水。
1個讚
唔得架，真係要靠你成日飲水+成日去廁所，沖走係尿道啲菌
同埋要知道源頭係邊，記得好似有得做「種菌」（唔記得係咪呢個term）知道源頭先可以治本
1個讚
我覺得堅要搵出誘發原因先有得斷尾㗎，如果你知係飲唔夠水就發，咁你一定一定要飲夠水先得㗎，每日基本2 公升，另外食抗生素嗰排要休息夠，念珠菌發就塞藥，冇計 …我以前都係咁，基本上咩方法都試過曬，(注意飲食，飲足水，食紅梅素/飲紅梅汁，食乳酪，換新底底，全棉底底，同老公行埋前兩個都要淨身同埋飲杯水，事後要去一次小便，注意每次抹小便方向要由前至後，著裙好過著褲等等 ) ，不過都係keep 住返發。巳經不止一次嚴重到要入院打抗生素，一打就成個星期，都幾困擾，一年例發3-4 次，有年係6 次，醫院醫生都搞我唔掂 … 驗尿種菌，有時種一次未必種到係咩菌，或者驗來驗去都種唔到有菌，有時未必關菌事，再來超聲波，腎顯影檢查咁，都係搵唔到源頭。
到後來經過好多年反反覆覆咁復發，終於搵到個主要誘發原因，先真係冇再復發咋，但一掂到，如果嗰排唔夠休息，又會復發，萬試萬靈，就我來講避免掂到源頭同要有足夠休息好緊要。又因我媽媽亦係成日尿道炎，但佢就冇我咁嚴重嘅，佢就係話自己一食鹼水麵就發，成日叫我唔好食，但我唔係因為鹼水麵誘發，所以覺得每個人個誘因都未必一樣，必須要搵出源頭先可以避免復發。
3個讚
https://m.facebook.com/story.php?story_fbid=10158508515782158&id=11383432157
K Kwong 同埋網友留言有講要避免食乜同要食乜嘢去改善尿道炎
同埋個人經驗，真係要介糖
3個讚
每日食1000mg維他命c啊
1個讚
我就算唔係尿道炎都覺得痕
平時洗衫都落消毒液 唔似係念珠菌作怪
醫生話可能係敏感
點攪好…
1個讚
女人真係好慘
3個讚
如果開始少少痕
我覺得飲cranberry juice有用呀
同埋底底真係手洗
唔好機洗
咁尿道炎真係好需要大量飲水
去多d洗手間先幫到手
3個讚
我以前都係咁, 成日發病, BOTH 陰道炎同尿道炎
休息好緊要, 飲水~
棉質UNUN, 千萬唔好日日用護墊只會令問題更大.
下面只用水洗, 唔用皂液, 唔好其他野清洗.
行房前雙方都沖涼.
如果你成日病發, 可以性伴侶都中左, 所以佢都要睇醫生, 完成治療先會見效.
3個讚
多謝各位建議
我都試下飲cranberry juice先
以前好鍾意著既leggings同窄牛都無著好耐
唔捨得掉，又唔敢著
比你參考下2隻supplement：(我吾識放相
)
- Swiss ,cranberry concentrate 90000 mg,保健5ml daily,尿道健康15ml daily ~我自己輕微時飲呢隻,而家平時冇乜野,如記得就當保健飲下。
2)私密護膠囊,華人藥業,保健1日1粒,嚴重2粒,~我自己嚴重需要時才食呢隻。
~~暫時經驗,私密護都幾有效！萬寧有得買。
條內褲一定要好乾淨, 我諗係咪一日要換兩三條內褲呀?
1個讚
我有尿道炎，陰道炎，纏繞左一年，最後搵到源頭解決左問題。
你有無驗分泌同驗尿，去種菌，睇下係中左乜野細菌，除左念珠菌，腸道細菌都會影響有尿道炎，我係驗到腸道細菌誘發，之後食益生菌䚴菌量，同埋飲左過濾水巳好返無事。
你不如去種菌搵下原因
1個讚