仲有唔夠兩個禮拜返工！ 想問下職場媽媽泵具清洗問題！
打算帶一套youha免提泵（碗嗰隻） 返工11-12點泵一次，中午食飯返家泵一次。 想問可唔可以直接用佳能密實袋放入雪櫃，中午再攞返出嚟用？
同埋平時我奶量唔多，要集腋成裘先儲到奶！ 好似對上星期日我每個鐘泵十分鐘，連續3個鐘用同一套泵同集奶瓶，其實得唔得？
人奶放室溫最多4小時，係total加埋計4小，我都係集液成裘，已有嘅奶就係倒新奶落樽嗰刻先拎出雪櫃，倒完即刻雪翻。
我每日都係咁做，我自己咁睇，因為每次你泵新奶都會「自動比啲奶洗一洗個泵」，所以佢嘅「4小時時限」係可以永續嘅⋯⋯
你泵完係有放入雪櫃架嘛？
LM.
我都想聽多啲媽媽分享
遲啲返工⋯⋯
一樣都係要集腋成裘 
想問套泵配件擺雪櫃係普通格定冰格？
拎出嚟就即刻可以想用定係要再處理？
我又見有啲人話要微波爐袋消毒，如果無微波爐咁點算？
留名…
個泵可以用保鮮盒或密實膠袋放入雪櫃之後再用，或者用之前用熱水沖一沖。但集奶瓶如果雪咗就唔可以重用，啱啱泵出嚟嘅奶溫度同雪奶唔同，所以唔可以重用，如果集奶瓶放室溫後3個鐘再用又好似唔太好咁。
普通格都可以。拎出黎可以用熱嘅熟水沖一沖再用。有得消毒當然最好，無微波爐就唔好買微波爐袋消毒袋。
1個讚
就係冇就咁放室溫
而家有你講解明哂
1個讚
所以好似我咁，應該泵一次放入雪櫃， 第二次泵就加落前一次？ 但唔係要同一溫度先溝得？
咁熱水沖完又要唔要抹乾淨？ 唔抹又有水溝埋落奶？
其實本身想淘個uv消毒袋！不過如果可以直接入雪櫃我又唔想帶多樣嘢！
我自己覺得用乾淨紙巾抹乾淨就可以，少少熟水滴入儲奶樽問題不大。
1個讚
紙巾抹出面就得，但抹入面就真心唔建議，因為「乾淨紙巾」其實係好多雜質同細菌架！
半球體嗰種奶泵其實好多配件，冇可能係公司用手一一拆下沖水，而如就咁倒水入去再倒翻出黎的話就會積唔少水係入面，混埋啲人奶到就唔係太好啦⋯⋯
1個讚
睇翻健康院小冊子，佢有講話： 新鮮擠出的母乳不能混合於冷藏或已結冰的母乳內。
你可以準備2個樽，每次將新鮮泵出嗰啲放係用黎預凍嘅樽，集液就用另一個樽。每次泵好就將上一餐預凍好溫度嘅奶加落集液(同溫度)，預凍樽吉左就可以倒新鮮泵奶落去又進行預凍。
另外如果真係想抹下個泵，最好用獨立包裝無菌嘅純水濕紙巾，要先洗潔雙手，消毒埋泵外面先打開個泵(如果唔消毒個泵嘅外圍，你打開個泵時對手都沾污左)，再用無菌濕巾抹一抹泵內面，咁你會唔會安心啲～
加油呀，翻工泵奶真係好怕比人話！要心臟強大先可以支持住。 
1個讚
我都有咁嘅擔心
當時陀住已經好多說話俾我聽
1個讚
我係擺個泵喺desk度泵兩次。就係相隔大約三四個鐘。 中間我會將d parts 入密實袋同奶一齊放入自己冰袋。泵完第二次先放入一個不透明盒入公司雪柜，仲要膠紙封 
首先我唔會兩次泵之間放雪櫃。雪櫃裏太多奇怪嘢。有時啲人放耐咗啲嘢喺入面唔記得，所以我覺得fridge係dirty嘅。拎出拎入唔太好。
其次我曾見新聞報導有crazy 男人偷喝女同事的奶。太變態了。所以我用一個opaque storage box 唔會係人一望就知人奶 and I tape it 有人tamper 過我會知。 
2個讚
我個時係將所有野連冰袋一齊入雪櫃，再另外寫個tag有自己名。如果擔心建議另外再加多個膠袋包住。
2個讚
我個時用獨立包裝個D濕紙巾抹下，入面可以唔抹，你講嘅球體喇叭就未用過，如果太難就唔抹好過。
2個讚
所以集液奶都要雪左先再加返落上次泵嘅雪奶？
因為一溫一雪唔可以互溝
噤唔體諒？ 真係要親身經歷過先知