我一向覺得幼稚園語境最緊要，因為小朋友語言黃金時期基本上係6歲前，呢個時期吸收最快，同埋學語言，真係要靠浸出黎
如果各位媽咪覺得小朋友英文唔好（以平時溝通對答黎講），我相信都係學校語境唔夠嘅問題，所以大家如果想小朋友係語言方面打好底，選校可以考慮埋語境。
以下係我自己小朋友嘅經驗：
本身我對小朋友嘅語言期望係學好三文兩語，一開始學講嘢時係英文+廣東話主導，所以佢一開始講野已經係bilingual，學校方面就讀三文兩語班。
最近有機會見到小朋友同同學之間點玩，發現就算母語係普通話嘅小朋友，同學間溝通都係用英文。
係平時生活0語境嘅情況下，小朋友嘅普通話只靠playgroup同幼稚園，依家去到K2（返學只係2個月），一向落後嘅普通話突然進步咗好多，佢甚至會主動同我講普通話，呢樣嘢令我覺得好意外。
係0補習，0YouTube，0語境（家中）嘅情況下，我小朋友依家單靠學校老師上堂，都可以由0講到依家標準嘅普通話，證明學校嘅語境真係好重要。
2個讚
反而有興趣想知樓主屋企語境喺點？係one parent one language 嗎？
要做到雙語（廣東話+英文），我同老公要主要負責一種語言
我係FTM，用廣東話，因為廣東話發音難d，所以可以多d比小朋友機會講+聽
老公返工，對住小朋友時間少d，佢同小朋友用英文溝通
我同老公一齊時，就會同小朋友用英文
之前係學校家長日見老師，老師有反應過依家好多家長會太注重英文，所以本身應該係母語嘅廣東話，反而被好多家庭忽略。我小朋友個case做到雙語都係母語，依家兩種語言都係native，而唔係兩頭唔到岸
我有見過d中港家庭，最後小朋友係廣東話+普通話都唔標準，個小朋友d普通話仲差過我個港孩
1個讚
我果個一直自少比佢多聽多睇英文，幼稚園開始一半時間英文，佢上到中學，同學仔溝通只講英文，佢讀local school， 出名果D，外國人覺得佢英語同native無分別，佢都有代表學校去參加debate。 普通話我主要經常有比佢上課，所以都講得好好。