如果無人幫最好叫月子餐啦煩少樣, 同埋睇定鐘點到時要就搵人幫手做家務
其實好depends on你個b好唔好湊…我bb就快兩個月大，我覺得算係好難湊…一日埋身食奶12-14次，日頭餐與餐之間好少訓得著，成日要人抱住先唔喊，基本上淨係湊住bb已經唔可以做任何其他野…你要有心理準備得兩公婆湊就唔會做到任何家務同埋煮飯，建議你唔請人幫手都起碼要訂月子餐呀
1個讚
我嗰個一樣
今日係第2日叫做大部分時間自己一個人湊
但其實尋日奶奶同今日我媽都有上過嚟一兩個鐘幫手
佢哋都幫得唔多，主要係阿B沖涼嗰陣幫頭幫尾（我隻B對腳好大力，撐到周圍濕晒，長老幫我跟眼等我唔好跣低）
勁攰
老公放工返到嚟我已經想瞓
佢去煮飯
但如果阿B大叫又係無得眠
1個讚
寫清楚
Bb沖涼換片餵奶掃風邊個做？
邊個照顧你燉補品煮飯洗碗買餸洗衫掃地邊個做?
你比張list佢，叫佢每樣野到簽個名，叫佢認頭，佢會簽名，你先聽佢講啦
呢個時間，好多夫婦都會鬧大交，之後你情緒又唔穩定，最終悲劇收場
1個讚
我都係自己湊，冇長老冇姐姐，老公仲要返工
預產期一月頭，訂咗月子餐
希望搞得掂啦
訂月子餐請定家務助理，一星期上來三次幫你打理家頭細務（洗衫，抹廚房換床單被鋪什至幫你炒定米茶等等），相對合乎經濟效益。
最緊要分享呢個 post 比埋你老公睇，要佢知道佢要分擔咩事！
我之前有個朋友，兩公婆唔洗做，BB婆婆舉手話可以陪個女坐月，點知兩公婆畀個B疲勞轟炸之餘，婆婆又發脾氣話太過依賴佢，搞到頭都大。
俾得起既呢啲錢唔好慳啦！
2個讚
最緊要係放鬆心情!! 必要時請返個鐘點一個星期上黎大清潔一次咁~ 唔好太大壓力
同意，我係守財奴，但生仔喎，一生人要生幾多次唧？第一胎乜都唔識亦唔清楚自己生完身體狀況真係唔好太睇得起自己，到時病左受苦係自己，洗嘅錢仲多⋯⋯好大機會夫妻關係因此有裂縫，因為真係唔好對老公有太大期望！除非你平時係飯來將口有佢照顧，講真啲男人自己都未照顧得好點會預佢湊得掂隻嘢？你預個男人做左10%就已經覺得自己好幫得手，幫你餵左1餐奶已經覺得自己好威威⋯⋯所以最好生之前真係有個清晰嘅清單講明分工，千祈唔好覺得佢會自動波！
當然如果比唔起個萬幾～兩萬幾蚊(其實呢度只係一個月份糧唔係話好貴⋯⋯)，就自己頂硬上啦，我身邊都有朋友係湊易湊嘅Bb，冇人陪月自己K.O.（佢都經歷完都強烈建議我請陪月，所以我請左）但真係要易湊嘅Bb先得囉，你估唔到自己個b係易湊定難湊架！同你自己Bb仔嗰陣唔同架！因為我當年係乖Bb，但我個女唔係！
我自己因為唔洗翻工好得閒所以之前讀定個陪月牌，都覺得唔掂呀，因為最難係點settle個b呀
呢啲真係要講經驗！我阿媽湊過2個都搞唔掂我個女⋯⋯
如果你乜堂都冇上過，連餵奶(其實呢樣都唔係個個b都易餵)換片都未熟手⋯⋯自己諗啦
1個讚
而家8個鐘陪月都要3萬蚊
無咁誇張, 普通有經驗陪月都係$25000左右, 如果肯請經驗少D既咪再平D
我半年前請嗰陣8hrs 26k，係舊同事介紹。
最好有人介紹，用過真係好先好用，我自己都親身考過ERB個牌，唔覺得一個冇經驗嘅人會上完堂就識湊囉⋯⋯岩岩出黎做嗰啲收萬6，我望住同班啲同學就真係唔敢比佢哋湊啦，連隻公仔都搞唔掂
寧願比貴幾千請個有經驗又唔會比氣你受，真係照顧到你嘅人，好過花左錢但搞到坐月坐得衰！
睇個人啦。
我就出世頭幾日有媽媽幫，
生完出院第二日我就帶大女返學放學，我Ok，我比較有自己想法，其他人揍法未必合我心意，費事多添麻煩啦。
如果建基於2個成人都係十足健康情況下，都辛苦
nb係2粒鐘飲一次奶ga
飲得黎，掃埋風換下片好快又下一餐
同埋就冬天
你諗下天寒地凍爬起身嗰種痛苦，開左暖爐都補唔返
仲有如果你開刀，真係元氣大傷
我嗰時差不多一個月後子宮又發炎
幾乎又要刮宮
入左院2日 日頭長老幫手湊，夜晚老公放工就夜更
我喺醫院又乜都做唔到
嗰種無力感真係產後抑鬱爆發
所以，有得請陪月就請下
你試下搵啲後生新手
通常18k-25k都有
就係唔想長老插手，我請左陪月，如果唔係得老公一個可能照顧唔哂，（對我來講）錢無得慳
唔駛，我請果個25000，都唔算新手了