好西利呀，我係你差唔多7分1咋 
比個建議，慳係優點，但唔好嫌煩用 d 錢去上堂投資喺自己度，對將來會有意想不到的效果，都會解決到呢一刻嘅疑問 
下星期就三十歲 加埋股票得廿萬
以前有啲錢就去旅行 一年去4-5次
都係廿七左右先的起心肝儲
而家有啲後悔唔早啲開始儲錢
3個讚
基本有半年開資都差不多
要個個都O甘生性~~
2個讚
其實都係架
不過感恩我地幾兄弟姊妹都好錫爸爸。之前有幾個月爸爸逼不得已要住老人院，我接近日日都去老人院由朝陪到晚，因為爸爸中風完全行唔到。屋企住頂樓無𨋢到，加上單位又細，廁所入唔到兩個人，於是我就搞調遷同請工人姐姐，最後上年10月爸爸可以到新屋一家團聚了
1個讚
我都係唔中意啲有風險既投資,
所以人地成日話玩投票, 我都無心機 
我每個月扣左家用, 保險, 大約可以儲到幾千蚊 (人工唔算高)
由細到大阿媽教落都係要儲錢, 但就慳自己, 對人地太慳就唔好睇
我覺得basic戶口要有一年養到自己既錢先穏陣
不過有時就係好衰, 當你儲到一筆錢既時候, 總會有啲地方要你用左佢
我之前儲既錢就用係旅行度多, 用得開心我覺得值
但最近就身體上有問題, 結果用左一筆
所以儲唔儲到錢都真係整定
好同意當有一筆錢o既時候就會有d原因洗左去，好邪！
1個讚
我自己覺得最好至少有一年現有人工嘅現金先
流動資產好重要，有咩事失事又緊要事要用錢都有得用
有錢淨再去投資，唔一定股票基金，做定期少息都得架喎
睇你自己可以承擔風險程度有幾高
但掉轉諗如果唔係平時有儲開錢，分分鐘有急事等錢洗的時候就好大件事。
我媽咪成日話愈無錢的時候愈發生最多事，儲錢唔一定為買樓，但一定要儲一筆for emergency
我諗至少都要預一舊錢係自己有啲乜嘢意外嘅時候做唔到嘢一兩年都唔會好擔心生活咁？
我同另一半都冇乜洗錢嘅興趣，反而儲錢就係興趣，儲到第一筆首期就即刻買樓，然後繼續草黎換樓再換樓⋯⋯
買完樓嘅現金流要更大，防止突然失業冇錢供樓！
1個讚
真心，如果呢到有十幾廿歲既女仔，一定要一出黎做野就理財，唔好亂洗無謂錢。
唔識投資可以月供股票，每個月供少少當儲錢。可以買公用股或者收租藍籌股。
唔好亂短炒同埋買創業板d仙股。
有朋友3十幾歲，平均都有3萬/月，但都差唔多月月清，又買野又學埋好多無謂野，上個月比公司炒左，話如果搵唔到工只捱到3個月，勁惶恐
。
我原本都好大洗
但我月供股票之後會有少少減低購物意慾
股票買完之後可以睇住佢上上落落
有時又有息
所以可以考慮買一啲有回報既野
滿足購物慾又可以有額外回報
1個讚
我用保險儲蓄計劃15年 有利息 自己好大洗 迫自己每個月出糧自動會過一筆錢 試過放係另一張卡 想買野個陣都係會拎返出泥 所以唔 work 同月供基金
正常穩陣嘅Portfolio
我覺得有2年收入嘅緊急儲備金最好
市面上亦都有唔少嘅產品係低風險而又有增長
起碼經過今次經濟環境差都有開支
應該都睇自己係咪大使之人
我自己就限住自己出糧就過一定%數去第二個草錢ac
嗰個月用淨可以留返下個月再搬多d
如果真係有好想買嘅野 都會睇下個出糧戶口淨幾多
通常見唔淨得多 諗多兩諗就唔買
除非必需品啦 
留到比自己突然唔想做野時
比埋家用屋企人都過到一年以上我都唔錯
做左7年野，依家儲到4年人工。
唔識投資，冇買股票，上年先開始學老公做定期。
1個讚
成日聽人講做定期，其實即係點樣運作架？
1個讚
依家啱啱30，現金流夠我一年失業都唔洗斷供層樓又餓唔死嘅。
我自細就好慳，身邊冇錢剩會覺得好不安嗰種。啱啱出嚟做嘢時我試過有一段時間每個月唔計俾家用自己只係用兩千幾蚊就過活到，剩下成份糧拎去儲。因為嗰時痴屋企嘛，返工近，lunch又帶飯，真係唔會點洗費。然後每年出bonus好大份，我又係一蚊都唔會洗，成份儲起。我覺得自己物慾都幾低。有時見人地女仔屋企化妝品多到好似開鋪咁，但我係一個細細化妝袋就袋哂全部㗎喇。
6個讚