如題：）
大家又有冇咩儲錢/投資方法？
5個讚
我都想知，同埋傍身嘅錢一般係咪指現金？
1個讚
因人而異
但我覺得理想係有流動資金
我自己一直諗起碼唔做野一年半載，都唔會經濟有重大壓力咁(因之前一直想轉工，心大心細，想resign
3個讚
我都想學下野，我三十幾歲人，月光族，好大獲
8個讚
洗得最多嘅會係邊個範疇呢？ 真心好奇，唔係串，無惡意
我自己係好唔捨得洗錢嘅人，次次買完野就好後悔，見到有更平嘅直情想死。zara mango H&M 一定等特價先買。成日都唔明d人話中意shopping 係點解，洗錢好肉赤
要將成份糧洗曬，諗下都想喊
2個讚
啊…呢個又好視乎支出，淨係for 自己生活應該可行，如果要供樓同供養父母，就未必咁易儲到
4個讚
平時都會買衫、鞋、袋、護膚品
不過唔追名牌，睇款，但又唔淘寶
最大支出應該去旅行，我呢方面真係捨得洗錢
3個讚
我都覺旅行洗錢洗得太犀利，出去玩啲錢好似唔係錢咁想用就用，一返黎就後悔…
6個讚
去旅行會安慰自己，都拎左舊$出嚟，飛左過嚟，唔食好啲住好啲，好on居je
同埋諗洗左$，之後又有動力揾$
其實現金真係要。不過自從上年我爸爸突然大中風，我要全時間陪住佢同照顧佢，我嘅積蓄都用晒了
1個讚
有無話記低自己每個月洗費用左幾多用左去邊？盡量留返少少應急都要。
大家有冇做定期，又或者零存整付逼自己儲下錢？
1個讚
初出黎做野，成日有d借貸電話打黎，會八掛問下利率幾多。當時低息，借左6位數字，分幾十個月還。成筆錢轉左做人民幣，再做定期。當時RMB定期息高過借錢息，賺左定期息，同人民幣升幅。不經不覺，幾十個月後，拎返定期筆錢。叫做初嘗投資同儲蓄嘅甜頭。當時第一次借銀行錢，打個電話就有十萬，覺得好不可思議。
之後慢慢試下其他途徑，開始月供匯豐同其他收息股。
個人中意金飾，想使錢時就買金飾頂癮，買下買下都有幾兩。
隨住人工有加，各項投資都有加碼，但都係離不開供派息股，買金，定期。
好多人提點我儲蓄&投資嘅方法蠢，悶，賺唔到錢。但我需要嘅係一種無痛，不經不覺幫我留起d錢嘅方法，但求d錢唔到我手就最安全。試過認識一下股票，好煩，好難，冇心機，蝕過幾次都係安安穩穩供藍籌股算。
22個讚
我出糧會儲起一筆$，蓄起
有少少股票，但短炒賺咗就放咁
2個讚
我都係最擔心父母，可惜老人保險貴得黎又乜乂都唔包
你多唔多兄弟姊妹？我好彩有6兄弟姊妹，我最細架。我地之前早3年度，每個月每人夾一舊錢當基金咁。幾百一千元咁。由我管理。以防爸爸媽咪有咩事唔使突然拎一舊錢出黎。於是上年終於要用了。自從我爸爸有事後，我都咁同我朋友親戚分享。
16個讚
都係一個好方法
所以最擔心真係父母。同埋要識用政府資源。自從爸爸有事真係要用好多錢。不過我總覺得，錢無左可以搵得番。但陪父母嘅時間，有錢都買唔到。所以你最擔心父母都好欣賞你架
3個讚
每個月糧先拎一舊儲。。。
如果3字頭，未婚，起碼要有20萬？
純分享。。。。。。 
1個讚
我31歲，啱啱結咗婚，未買到樓，租樓住，自己大概有70萬現金，仲有一大堆保險
早幾年試過成日玩股票，但條命唔啱玩，玩親都係輸錢，而家已經戒絕股票，點都唔敢掂，淨係做定期或者保本純收息產品，目標係買到樓
9個讚