9.5月大仔仔，5個月開始加固，一直tw，而家兩固三奶，兩固通常一餐比baby pasta一餐比粥仔，會加菜加肉同埋比生果…
問題係，近排佢唔知點解愈食愈少，之前明明pasta同粥都食到一大碗，而家成日食細半碗就開始扭計，要死tum爛tum先勉強食到大半碗…試過d粥煲稀d定結d都冇咩分別，d餸攪爛d定切粒又係冇咩分別…
但佢好奇怪係同一碗嘢 我換吓餐具 換吓碗 佢又會食多幾啖，或者我直頭用手執起d餸餵佢就差唔多一定食，但粥仔我點用手執起餵
同埋逐粒餸執起餵 真係餵到天光…
唔知仲有咩可以整比佢食呢？佢有4隻牙仔，都算幾肯咬嘢…平時多數都係公公婆婆煮同餵，我又想盡量都簡單d 唔使佢哋咁嘥時間心機整…瓜菜都仲可以切一條條拎住比佢咬，肉太大粒又驚佢咬唔到吞唔到，同埋咁細個係咪唔食得白飯住架？咁就唔整得飯波？見佢體重增長愈嚟愈慢 好似瘦哂咁 唔知點好
我bb7個月先加固，而家差不多11個月
食緊粥仔、意粉、素麵，再加每日唔同嘅餸
每餐會有1種肉，2種蔬菜，或者1蔬菜+1豆腐/1紫菜
我懶，所有餸都係蒸熟用攪拌機打碎先再加粥或麵。初初就打到碎晒，而家有5隻牙仔，𡁻到嘢就打冇咁碎5mm左右，粉仔就剪1cm都食到
有時啲餸整到悶悶地，就睇下健康院比果啲書仔講bb飲食，會有唔同配搭建議，又有少量餐單參考，再唔夠就去圖書館找啲嬰兒飲食書籍參考吓
我bb加固後體重都係增長慢左好多，我都好緊張
返健康院果時同姑娘講，姑娘話係正常，初生時bb體重會增得好快，到6個月就會慢返
最緊要係睇生長線，你可以磅左bb體重再對比番健康院果本登記簿，入面有生長線圖表，只要向範圍內就正常，唔需要咁擔心
我就係指生長線呀…佢之前一直都60-70%…近一兩個月跌咗十幾% 而家得返50%…我驚會一直跌
我都係咁上下…每餐都一種肉加兩種菜 就咁蒸熟，瓜菜易咬嘅就切粒，肉就攪碎…就係唔知點解愈食愈少
唔知係咪悶咗…佢對我哋大人食嘅嘢就好有興趣…同埋係好鍾意食生果
50%都仲係正常範圍，再觀察下先，如果再跌得勁，就要返健康院搵姑娘見醫生
其實9個月可以試多啲唔同finger food，因為都可以俾BB試吓咬唔同食物，訓練下口部肌肉，飯波都可以整，仲有pancake、BB米餅都可以試吓俾BB咬下。
飯波可以食喇可？我見d書仔通常都話1歲先比大人白飯…不過其實我哋食飯有時都會比少少白飯佢食吓
bb米餅 威化餅 波波米 嗰d都有比 佢都會自己拎住咬 但都係當零食咁…pancake就未整過
不過都唔可以當正餐？
可以試吓通粉或者其他造型嘅粉
白飯應該都可以開始試
煮得軟身啲就可以