想買份純人壽保險，經銀行買，是否最簡單方便？定搵保險公司買？邊間會抵啲，平啲，但保額又ok㗎？大家有冇推介？
可以睇吓Bowtie保泰人壽，佢哋冇經紀，直接上網買，夠平，有咩問題直接搵customer service。
你可以去比較網站10life 搵資料, 再向保險公司投保
係你需要幾大保額先？
我比較好奇，想買純人壽而唔買人壽儲蓄係點解，因為我自己係買人壽儲蓄，到退休起碼有d錢拎
我話你知 
純人壽,你搵保險佬,佢唔會想幫你做
人壽儲蓄佢地好樂意幫你
唔知解唔解答到你
人壽儲蓄保費貴啲，同埋我覺得搵笨，根本供到退休後都唔會有佢地講既預期所得銀碼。我買純人壽只想比我另一半或仔女有所保障。
3個讚
樓上推介 Bowtie可以諗諗。
1個讚
我有份20歲開始買既人壽儲蓄，到而家3x歲都算係咁，雖然我打算65先拎
其實而家除左佢原本預計個數，後面仲有悲觀情況同樂觀情況，我自己係睇悲觀情況，實際拎個數應該點低都唔會低過呢個悲觀數，應該係
我無投資無股票，有保障之餘好過擺銀行咁解
雖然我都明你個諗法，純人壽都係保泰啦，無其他選擇
我所有agent都同我講以前買落嘅淨人壽而家做唔返，叫我唔好cut
純人壽同人壽儲蓄兩者會因需要而買，睇下用途係咩而定
好多人攪錯觀念，連agent都係，買保險唔著重睇份計劃回報幾多，而係槓桿，同埋保額係唔係乎合實際需要
請問槓桿係咩嚟？有咩用？
物理上嚟講，用最少力度搬最重嘅物件，套落保險度嚟講，好多人會話，俾咗多年保費同自已儲無分別，當中因為有時間，例如每月儲10000，儲100個月（8年多D)就有100萬，而保險係
- 唔需要每月儲10000
- 係即時有100萬backup, 唔駛等8年零4個月後先有
呢個就係槓桿原理
1個讚
我娘家人唔買人壽或儲蓄保，只有幾丁友有買醫療。
唔買嘅，包括有退休銀行經理、醫生。
但做銀行嗰位，未退休前都很努力sell客保險、投資等。 
好少人明白保險個作用，其實係你同保險公司互利，冇可能係你做客就著數哂，咁間公司執笠都得。
保險唔係用黎賺錢，係用黎防止因意料之外而引致嘅手足無措，要賺大錢自己搵其他投資方法。
怕比人呃就自己做好功課先買，人人需求唔同，純人壽自有佢嘅好處同適用範圍。