揸兜銀行

理財投資
1

經過以下事件後，我諗所有嘢經電郵會好啲。

  1. 曾經係優先理財客戶，之後要求降至普通戶口，職員極力遊說唔好降，我再三堅持下辦理手續降級，點知好耐之後畀我發現冇降到，再要求，又冇降，再搞再搞，終於好耐至降到。

  2. 打上卡中心要求 cut 卡，後來發現冇 cut 到，幾次後，終於落分行搞至 cut 到。

  3. 早幾日黃昏時見商場擺檔 sell 信用卡，先問清楚點回贈，職員話簽賬後下一個月入數至信用卡戶口，但辦理手續過程中改口話回贈係入另一平台，需自行轉去信用卡戶口，另外，叫我入錢去自己戶口，至少要有6萬，第二朝一早入錢後，隨即畀我發現原來回贈金額要達到$50之倍數至可以轉出，打去 hotline 問想截申請嘅文件，唔好入電腦，hotline 話可以打畀嗰個職員就得，但個職員話唔得，等兩日後資料入曬電腦後至可以申請取消，於是打畀CS，最終冇幫我截，反而提早幫我搞，即日入曬機，似乎不但喺揸兜有記錄，另外有其他機構都有我申請呢次嘅記錄(信貸評級機構)，仲話冇取消到我嘅申請，遊說我繼續添，我拒絕，佢哋都唔肯幫我取消，吹脹！

請問如果想電郵通知揸兜唔好再經任何途徑收到推廣可以 send 去邊？(其實已經打咗電話去，不過我諗有 black & white 會好啲) 謝謝！

2

應該有份表格要填

3

最好去分行搵d RM
我有時叫d cs唔好再打電話sell 借錢
佢哋話幫我mark但都不斷有電話

4

N年前係HSBC premier 客戶，要求降grade，即攪到。

現時各大銀行Cut卡，一定要你親身落分行，hotline係做唔到。

至於申請credit card後，即想截，我未試過。

5

我之前都係電話cut卡佢唔俾
跟住我就話唔見卡報失加cut KO佢

6

唔該曬咁多位！
之前幾次打去卡中心話 cut 卡，對方話搞掂，結果冇 cut 到，今日問消委會，佢教我攞張卡去分行，喺職員面前剪爛張卡喎。

7

高招:+1:

8

我孤陋寡聞，想知點解要將戶口降級既？

9

支銀可以電話cut 咭, 唔知係咪太多人cut, 佢一句都冇挽留，大家爽快分手，正

10

所謂高級啲嘅戶口有最低結存嘅要求，唔夠錢就每季要收費。

11

揸兜都冇挽留，不過係應承咗話幫你 cut ，但其實冇 cut 啫。

12

唔confirm張咭又點洗cut.

13

Cut 唔到係講好耐之前曾經有嘅揸兜卡。新嗰個申請想截就唔得，反而仲加快程序幫我提早入機，又唔肯幫我取消申請。