35週時在醫院照超聲波話胎水少，而家36週，每星期返醫院聽胎心機，好擔心，胎水少係咪好危險架？朋友話有機會開刀，不過政府醫院又唔會咁易比人開刀，會唔會要催生先架？好驚催生好痛 
你試下叫醫生比病假你休息，已經35週仲要每星期去醫院聽胎心機，心理壓力好大。如你喺政府醫院生，一定係先催生，生唔到先開刀。
催生係咪好痛架？勁驚 
我第一胎唔洗催生，係順產的，好驚要催生好痛
你盡量放鬆啲，多啲休息，飲多啲湯水，睇下有無改善。
我陀細女嗰時25w發現少胎水，跟住發現係iugr 宮內發育遲緩，最後都拖到34w開刀生。
你宜家如bb size正常，35w應該ok，等得幾日多幾日，接近足月，In case要俾bb岀世， 都夠健康大隻。
keep住返醫院check胎心，mon住，安心啲，加油！如果有得見醫生，就傾下個胎進展同plan，例如要俾bb岀嚟時適合開刀定順產催生，有個心理準備。
催生未必一定痛，第一胎順產有經驗，應該會好D，唔好太擔心，保持輕鬆心情。
我自己第一胎催生，用咗2次藥都無反應，最後係開刀。可能我對藥無反應，所以唔痛，但10幾個鐘無得郁 (肚皮貼晒儀器，只可以瞓喺度，唔可以轉身/ 坐)， 無得飲食，個人好累。
Bb size係中碼，日日有飲湯水，今星期醫生話胎水擇界，聽完胎心機又冇講咩情況，聽完就話走得，下星期再問下先，因為今次同第一胎情況唔同，完全唔知胎水少會有咩影響
你在政府醫院生嗎？因為我在政府醫院生，政府唔比開刀，要試左催生先，唔得先開刀，所以先勁驚…
塞藥冇反應直接開刀仲好，唔洗痛
順產過一胎，第二胎好快就生到出黎，梗係好過開刀啦。開刀之後有排痛，條疤痕仲跟你一世。
無反應係子宮口唔開，臨入手術室前開始有陣痛，只係唔太強烈，可以忍到