囡囡四歲幾就嚟五歲，同佢傾下日常生活丶學校生活丶學完 phonics番屋企再溫下啲字點拼等等，成日話唔知唔識唔記得… 我有啲覺得係敷衍加上唔想用腦諗嘢…
有無人都遇到啲咁嘅情況？可唔可以分享改善方法？
我個仔6歲都係咁，成日話好難好難，唯有靠賞罰，唔識整鞋帶就冇得去街，佢就死死氣自己喊住做
我會特登讀錯，我仔會即時教返我點讀。
不過用多幾次就唔work 
佢無諗過有啲野要記住嘛，或者咁講，佢唔知有啲乜野係要記住，有乜野係唔駛記都得，跟本無動力去記住佢應該要記既野，正如問你今日同同事傾計過過乜，搭車坐/企你隔離係乜人? 我地唔會特登去記住，咁點解小朋友要記住學校發生過啲乜??同埋咁open question其實唔易答，問啲yes/no question，有無做圖工之類先易搭嘛，又或者返學前問定佢估下會唔會做圖工，咁佢咪記住要留意下放學講返你聽
記住啲phonics仲乜? 記得既話你會有獎? 你會用啲phonics同佢玩遊戲? 你會要佢教返你點學phonics? 又唔係有趣點解要記住? 無學phonics唔敢講，但上過英文唱遊，小朋友會返黎捉住話要教我首歌，要我一齊唱，雖然有時唔記得又記漏，但明顯係想教識我，就算普通唱歌跳舞都會咁，點解?
2個讚
其實係我講得唔夠詳盡令你誤會… 我唔係指 open end questions～例如，我落一落街番到屋企，見到佢手指黐咗膠布，問佢樣整親，佢會答我唔知唔記得
，咁你話係咪敷衍+唔想諗嘢 …
Phonics其實只係一個例子，而且係佢話鍾意先繼續上～老師話佢上堂係ok嘅。
我而家係苦惱緊，有時人地問佢問題，明明佢諗下就答到，但佢會用唔知唔識唔記得，咁樣答咗人就算。
1個讚
屋企個小朋友都係咁，問佢乜都話唔知
其實係講大話唔敢講，或者唔想講
咁我就會同佢磨，要佢肯講出口為止，未講完唔走得
有呀，後尾發現佢咁講係因為怕煩唔想答我。
但如果我唔係問佢，係同佢傾計咁講，講講下佢又會乜都講晒出黎。
例如我問佢小息同邊個玩左乜，佢話唔記得，但我話自己以前會跑操場，佢就話自己依家冇得小息出去，但就同邊個邊個睇書同傾計…
1個讚
一模一樣。
我有個5歲嘅姪女一樣，但只限問佢學術上嘅野，諗都唔諗下秒就答 唔識，唔記得啦，我真係唔知呀，明明上一分鐘教完佢，佢都會即刻話唔識
但我自己個女2歲幾就未有尼個問題，仲係乜都好詳盡咁講講講，所以可能係階段性？
會唔會係一去到5，6歲開始就揀自己有興趣先答呢？
如果老師話佢上堂ok嘅，你都唔使太擔心，或者你試下唔好用問嘅方式，你自己講多d睇下佢咩反應比你，起碼唔好令佢愈來愈唔鍾意答問題
2個讚
唔知點解我覺得係怕你鬧佢(我既童年陰影, sorry 
)
有d小朋友係唔鍾意表達，亦有d係真係上堂唔專心，天生係咁要慢慢教囉
我起初都有諗過係咪怕我鬧。例如，膠布件事，問番奶奶，其實只有過係開一個玩具盒嘅時候整親。
又試過有一次，放工番到屋企，見佢紮咗條好靚嘅辮，就問：條辮好靚喎，邊個幫你紮㗎？佢都係答唔知唔記得～其實全日只得嫲嫲一個對住佢…
佢而家答爸爸丶嫲嫲丶我哋啲朋友，有時都係咁，係咪覺得我哋啲問題好無聊…
可能我要轉換一下傾計方法。
但我怕佢習慣左對其他人都係咁嘅態度同回應。
老師話佢上堂好留心，大部份教嘅都可以用番出嚟～可能佢係真係唔鍾意表達，有無啲建議應該點樣鼓勵佢？
學啲偵探、間諜講野咁，搵啲野傾，然後誘導性發問。你女先得 4、5 歲，好難守口如瓶，一定會忍唔住爆響口
想知佢 phonics 學成點，唔好問佢「學左未」，可能攞本有佢應該學識左嘅字嘅圖書同佢一齊睇，佢讀一版你讀一版，咁你咪知佢識唔識。如果係今日見佢條辮好靚，咪問：「係咪 XX（老師/同學）幫你扎架？」，咁佢可能就會話「唔係，係 YYY 幫我架」。
換方式問，就可以套料。如果佢做到乜都唔答你，咁我諗你可以放心，佢一定 IQ 同 EQ 好高，因為冇幾個小朋友係可以完全隻字不提唔漏風聲。
2個讚
你講得好好呀～其實我就係一位好死板嘅家長，傾計唔識令佢覺得好有趣～可以試下用你呢個方法～
我有時都會諗，如果我個人幽默啲，小朋友可能會開心啲丶感覺幸福啲…
笑一笑，世界更每秒。我成日同佢哋玩，搞爛 gag，佢哋好鬼鍾意同我傾計唔肯停。可能多啲睇下周星馳嘅戲會幫到下。
1個讚