大家好。
31W+6D的時候睇過私家醫生，話BB的頭已經轉左落去，其他一切正常。
(喺21W照結構時有發現臍帶側入，有8%的機會會早產，但一路產檢落去，BB都正常成長緊)
到上星期5，我33W的時候返廣華產檢，醫生摸完肚聽完心跳，仲按我恥骨位(好大力，會痛)
突然叫我36週返去照超聲波，當時以為人人都有就無留意
上網睇返就發現唔係個個都有得照
我30歲，第一胎，血壓血糖一直正常，照計超聲波點都無可能有我份
(照結構都係出私家照)
我今日係33W+5D，依幾日覺得有少少唔對路
胎動的時候肚臍左邊會起角(應該係腳仔)
肚臍右邊有時會凸起一個圓圓的球體(應該係BB的頭)
一直KEEP住都係肚兩側的位置郁
咁我上網睇資料
就話好大機會係橫位
有冇人試過類似情況? 
幫推
我係你既話
會去私家照睇下先
無謂心掛掛呀
我果時向私家照左話胎盤過低，30w左右政府產檢同醫生講，醫生都有比期我照超聲波
其實只要覺得你有少少唔妥，都會安排你照
如果你嘅情況係嚴峻嘅，都唔會安排你36w先返去照
如果真係擔心，就去私家照左先，比多少少錢求個安心都好
我都明白唔係即時有危險嘅
本身開刀同順產都無咩所謂
係有少少驚36週俾醫生捉入院住到生出黎 
又驚驚地開刀要打直切
點都好，我下星期會睇一次私家先
俾定心理準備自己
我都係主要腰兩邊郁呀，我睇私家都係話頭仔已經轉左落去，bb屈住隻腳，所以會feel到左面踢，右面圓圓應該係patpat. 所以應該唔使擔心既
咁我都安心D!
無咩事都係想BB可以38週後順產出黎 
肚兩側旭好明顯係手腳。
如果係橫位就算你唔識摸胎位，係外觀都睇到成個位打橫。
我先係胎盤前置，之後好密check,我果個係每日換一次位，每朝轉落去，頭向下，但好快又轉翻上來頭向上。醫生話可能我有胎盤前置，頂住阿b個頭，佢唔舒服就轉返上來。私家話要開刀，唔開就去公院。公院比選擇催生或開刀，但要36週幾就要入院待產。私家就約定37週幾開刀。同醫生講，佢會比建議你，放心
外觀上我就無咩特別。
係個肚仲係陀得比較高，可能未到時候下降掛。
經過兩日，BB都係keep住肚臍兩邊郁，仲有肚臍下腹部郁。
人地話胎位正會郁嘅上腹部就無動靜，完全掌握唔到BB想點 
我下星期會去私家照一次先。
多謝你的建議!