想問問你哋：
如果打算私家生，
一開始產檢時，已經會揀定一個醫生嗎？
會唔會同時睇2個再揀跟邊個咁樣？
新手，好多疑問
努力爬文中
我無呀 搵個信譽好既其實都放心
同埋做t21同埋結構一定會係第二個醫生
所以咁樣都叫用多過一個醫生既～
1個讚
私家+同政府兩邊睇
一來私家唔平
二來要返工
冇時間睇兩個醫生
不如揀岩一個信得過
如果私家生，可以考慮下睇埋政府…
因為萬一唔好彩有咩事，或者早過34 週生，私家醫院未必接到…
我果時就要無個個月都去足政府覆診，都係私家做完啲test就拎埋report返政府update 下咁…
1個讚
No. Go to a reputable one and only go there. Plus Oscar and anomaly scan at govt
反而建議，一定要政府、私家2 邊睇，到28wk 再決定去邊生都未遲。
因為到懷孕後期，有D 可能係預計之外嘅問題，政府先可以follow up.
祝一切順利
我大肚果時真係一波三折，前後睇過3個私家醫生，政府果啲產檢都有去足
我自己有睇開一個婦產科醫生，由第一次備孕，小產，再第二次備孕都係睇佢。但係個醫生年紀大，已經唔會再接生。所以第二次再懷孕嘅時候，一決定想私家生，就已經搵定第二個醫生。
第二個醫生網上都多人介紹，但係每次產檢等得耐，同埋問左接生價錢比以前網上講嘅貴左好多。後尾問返啲做醫院嘅朋友，原本個醫生多左好多名星仔搵佢接生，所以價錢貴左。因為有啲over budget，所以想睇吓會唔會有其他選擇。
之後有朋友介紹寶血join package好抵，打電話去問嘅時候，個姑娘介紹咗個醫生話好好，所以就約咗第三個醫生做產檢，睇吓夾唔夾。到見過面做過檢查，覺得呢個醫生都好好，最後就決定搵呢個醫生接生。
同埋上面有jm都有講，真係要去埋政府嘅產檢。
而家有醫健通，有啲檢查政府度做咗就唔需要向私家再做，因為政府做係免費，私家做親嘢嘢都過千蚊。私家要睇報告可以開醫健通睇，好方便。
其次係，萬一bb早出世或者有其他緊急情況，私院都唔會收，要你去返府政急症，但係府政醫院完全冇你嘅紀錄會好煩麻，萬一係超緊急都冇時間再幫你慢慢做返啲檢查。
我嘅情況係34週前胎盤過低，寶血果邊一直唔比我落訂，因為到34週都唔升返，我一定要返政府度生，寶血唔會收。最後真係拖到34週先confirm到向私家生，所以政府果邊都有你record會比較好。
明白
要指定醫生先可以照結構，
所以會做轉介？
好呀，謝謝你回覆
明白明白，謝謝你呀！
如果心儀個醫生要10週後先有得睇
咁我10週前都想搵個醫生問下野/出懷孕證明
應該去普通科/都係要婦產科？
Oscar係大概幾週去做的？
多謝呀
想book個醫生要10週後先有得睇
咁我而家想搵個醫生問下野/出懷孕證明去book公立
應該去普通科/婦產科？
1個讚
產檢時問醫生接生收費？
祝你身體健健康康呀！
好，醫健通，mark低了
會揀定一個醫生，除非個醫生轉介其他醫生e.g.如照結構
揀1個相處落舒服嘅私家醫生（或者想邊個醫生接生都可以搵番佢，我自己係只揀女醫生），然後都有去公立做齊啲檢查。
私家係for你每個月都可以透過超聲波望下自己Bb，公立就有免費test做哂佢。
t21同結構係一次性，可以搵平靚正，我T21係搵番睇開嘅醫生做冇特別格價，結構係有特別資格嘅醫生先做得所以要另外搵人做（都係睇開嘅醫生推介）。
好似是14? 忘了，你上網查下
公家點都會有產檢，加埋自己搵私家，咪兩個囉。
除非中途發現有問題要搵多個醫療意見，如果唔係一公一私夠架喇。到後期產檢日數多到你唔想去添架。
12周 度頸皮