屋企住得唔近公司，返工時間又長，日日離開屋企超過13小時…返工時間只得開工前、lunch同放工後…係咪要帶三set喇叭返工？諗唔到可以點安排泵奶時間
可以泵完奶之後將喇叭放入雪櫃一齊雪住，下次泵奶時再用，或者用熱水簡單浸下個喇叭再用。下午茶時間有冇可能偷半小時去泵奶？有D人用餵奶巾圍住自己係自己位泵都可以，但我就未試過。我以前係朝早返工前泵，lunch時泵，4-5pm左右泵一陣，之後放工7pm再泵，盡力而為泵都幾多就幾多，加油
。
喇叭放入雪櫃即係點？唔使洗同消毒可以重用？
泵完將𡃤叭放入密實袋之後放入雪櫃，因為雪櫃低溫唔會咁易有細菌，之後拎返出黎用熱水浸一浸、沖一沖就可以直接再用。或者買medela 消毒袋，加水再放入微波爐叮就消毒完。
我返工泵兩次 都係搵滾水淥吓對喇叭就重用…但接駁器就帶兩sets, 因為覺得多d窿窿罅罅位 驚就咁淥吓唔乾淨 (我用medela freestyle)
人奶本身有抗體，喇叭放入雪櫃一日都唔洗怕有好多菌。如果你係坐office，有好多牌子嘅泵都係好隱蔽，成個泵係半球體可以收埋係件衫入面，一邊工作一邊泵都冇問題。
如果有pantry, 可以用滾水消毒套喇叭就唔駛帶咁多套, 我果陣都係開工前, lunch同收工泵, 再用冰袋運番屋企, BB一直健康長大
我之前果晚會pack 好啲parts,用密實袋裝好，冇再特別消毒，第二日就咁直接用返。
半歲前返公司會泵三次，而家只係泵兩次。
我係公司泵2次，用medela 消毒袋消毒
幾方便，我見有間黃店有得賣
所以買黎試
又真係幾方便
我見仲有消毒紙巾咁嘅野
同埋建議你就放完產假前試行2星期你諗住泵奶嘅時間，睇下會唔會突然時間表唔同晒奶量
你自己身體都要適應下
我果時一早計好點4個鐘泵一次
就放完假前2星期適應下
暫時我番左工2個月
泵嘅量都仲keep到
本來諗住餵人奶到半歲算
見仲泵到
就可能繼續餵到1歲甚至2歲掛
睇下小朋友需要到幾時啦
加油努力
人奶媽真係唔易做
我都試過放雪櫃。我餵佐2個人仔了。
我之前嚮office pump 2次，會買多一set主機放嚮office，只帶喇叭同奶樽。個喇叭用完第一次用滾水沖洗後就留到第二次用，收工返屋企就烚下佢徹底消毒。