阿女學校俾左呈一估計係 1C-2A ，因為學校無俾級名次，但之前聽過學校主任話學校每年好穩定頭40都派到 band1學校，咁我女估計係3x-40名定41-4x 呢？可以分享下嗎
參考名校退學潮個post，其實係咪代表今年競爭少d？係咪可以進取d
2個讚
想信對我呢D大西北人黎講分別不會太明顯 
試吓band 1尾、band 2頭嗰啲，進取啲都啱，遲早殺校潮由band 3開始
其實阿女對幾間band1尾嘅中學冇咩好感，反而希望搵間有多D活動，而且佢覺得band2會小DD壓力，所以除非呈二、三突然發力，我先會諗下點樣游說佢，如果結果都係邊緣人或更差，咁都係選反band2校算了，不過我都係想知學校會點定位banding呢，即係學校即使知道頭40應該都係band1，不過礙於穩陣起見，35-40都當邊緣人呢
1個讚
如果過往 5-6 年頭 40 名都必定派到 Band 1（要好肯定係），咁佢哋都幾肯定係 Band 1，你應該就 4X。
但要睇埋邊區，如果係九龍城、東區等情況還 OK，如果係荃灣、北區嘅話，咁我祝你好運。
應該係咁，一向老師都保守啲，
如果係我就會選B2頭，入去考第一好過入B1考第尾，當然要睇埋呈2,3。
自行其實都唔洗好進取，基本上越級挑戰係㗰心機，諗住叩門另計。
老實講呢個遊戲真係好難玩，父母始終希望子女可以健康快樂咁完成學業，唔好學壞，順順利利升讀大學，日後搵野做都多D選擇。雖然10歲都開始有自己嘅諗法同決定，但始終仲係比較單純，我覺得都要引導佢去選學校，但就好怕到時選錯會害左佢
35-45
要記住一樣野：派40 去band 1 學校，唔等於有40人band 1！就算你考36都可以派唔到，但考41嗰個派到！
我仔學校59.x% band 1，佢考61%，呢d就係邊緣人，佢响勁區讀，所以本區2A，全港1C
全港嘅banding都知咁勁？我以為只知本區幾多，另外我地個區D所謂band1尾中學根本以dse成績計係band2學校，只不過Band1學生好多拎黎做保險線，先當係band1學校
band1 通常以33222 %去計，如果band1 學校都遮遮掩掩應該都在band1邊緣或成積跌緊，講返樓主你個區有無band2 英中? 都可以考慮下
要睇邊區, 有幾多間Band 1, 你個女讀嘅小學又係咩級數, 你要搵番你讀間學校呢幾年戰果, 第二次呈分都非常重要, 叫小朋友加油… 我家小姐當年都係B1尾至B2頭嗰啲, 小學都係二線學校, 但佢英文好+我個區多B1, 所以1st 志願係B1B, 2nd 係B1C, 3rd 係B2A… 最後, 佢好彩… 首志願…
唔知，但因為係九龍城嘅band 2 頭頭，所以全港一定係band 1 尾
係架，所以用英中最好，佢地要收夠band 1 生先可以全開英文班
我唔記得實際%，但可以7-8成係band 1 生就開到全英文班
又用阿仔學校做例，佢地會收約30個九龍城band 2 生，佔全校人數少於20%，全開英文班
九龍城邊緣人一定係 Band 1 尾，而且男同女都有成績唔差嘅保險線。
如果係南區、荃灣嘅邊緣人，咁考直資好過
就係個D 所謂band1尾學校係英中，其他band2 無全英中
我女都係二線小學，我覺得佢英文聽同講都ok,所以我都希望佢讀有英文班嘅中學
九龍城真係多名校，好多父母為左子女搬屋都係為了間學校
有好多英中都唔係 Band 1，反而部分中中成績、資源都仲好啲
正確呀，所以已經報左2間去聽資訊日，希望了解多D合適嘅學校
慢慢睇，依家仲有時間。就算一樣係英中/中中，揀科都可以唔同。呢排睇緊直資，唔係間間直資都選科自由配搭，有啲係夠人就開科皆大歡喜，有啲就價高者得，而且限死左套餐，套餐 A+B+C or B+F+E or A+F+C，偏偏就係冇 A+B+E。
呢點好多人會忽略，讀到 Form 3 先知，就想轉校，但轉校談何容易。