有冇人知道/試過?
先生喺家計會排咗期做,但有啲擔心同緊張
微創手術嚟，好小事，唔洗擔心咁多同緊張
主要係佢好怕痛 
調轉咁可唔可以係你做結紥手術？都係避孕方法之一嚟
自己生過仔,希望公平啲,俾佢痛吓
2個讚
我會戴環，唔會叫老公扎，咁樣有得番轉頭。
戴環感覺係點架?會唔會唔舒服?[quote=“iamyellowmom, post:6, topic:35622, full:true”]
我會戴環，唔會叫老公扎，咁樣有得番轉頭。
[/quote]
以前老公有個朋友比公司同事知道紥左，話佢唔係真男人,同太監有乜分別？
咁係佢地歧視啫,我地兩公婆唔會介意
好大分別 ga, 太監係割晒，結紥係保留返晒所有器官，只係射出來的精液無精子，荷爾蒙分泌都唔會有影響
可以的話我都想我先生佢做結紥手術，只不過評估完話佢唔做得，因為佢做過另一個手術
2個讚
我仲想生多個所以生埋先戴，我阿媽都係戴環，其實唔會有感覺，亦冇副作用，又唔洗驚唔記得食藥。
但應該係幾年要換一個?
家計會資料：
子宮環的形狀和大小各有不同，而避孕有效期也各異，一般有效期為五至十年。
在戴環期間，用者不必在性交前作任何特別準備，也不會感覺到子宮環的存在，因此不會減低性愛感受。當夫婦決定再生育時，可經醫生把子宮環取出，便立刻再有懷孕機會。
1個讚
睇你幾多歲生夠，幾多歲停經，我阿媽人生只係換過一次，第二次未夠期就停經。
以前食過幾年避孕藥，雖然冇明顯副作用但會因為唔記得食而m亂，亦唔肯定再食係咪真係會冇副作用，見好多人副作用都勁。
扎結番唔到轉頭，無論男女我自己都唔想，想老公痛有大把方法啦哈哈，佢冇體驗過懷孕生產，而衣加佢成日覺得欠左我幾好。
2個讚
等我同佢再商量一下, 多謝你意見
不過你老公肯答應你做扎結其實真係好錫你！ 
真心冇乜男人肯，結婚前我老公都話Ok，嗰陣我只係想做個下馬威，婚後再提佢就唔肯了～（佢勁怕痛，做任何手術都勁驚）
2個讚
我覺得係因為佢陪產驚到腳軟,知道生仔辛苦,所以我話"我唔搞任何嘢,要搞都係你搞"咁佢就乖乖接受咗
1個讚